پرەزيدەنت تىلەۋحان قابدراحمانوۆتى 1- دارەجەلى «دوستىق» وردەنىمەن ماراپاتتادى
09:26, 30 - ءساۋىر 2025
استانا. KAZINFORM - مەملەكەت قايراتكەرى، ديپلوماتيالىق قىزمەت ارداگەرى تىلەۋحان قابدراحمانوۆ I دارەجەلى «دوستىق» وردەنىمەن ناگرادتالدى. بۇل تۋرالى اقوردا ءمالىم ەتتى.
- مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ سىرتقى ساياساتىن جۇزەگە اسىرۋعا، شەت مەملەكەتتەرمەن دوستىق قارىم-قاتىناستاردىڭ ورناتىلۋى مەن دامۋىنا قوسقان ەلەۋلى ۇلەسى ءۇشىن مەملەكەت قايراتكەرى، ديپلوماتيالىق قىزمەت ارداگەرى تىلەۋحان قابدراحمانوۆ I دارەجەلى «دوستىق» وردەنىمەن ناگرادتالدى، - دەلىنگەن حابارلامادا.
ەسكە سالا كەتەيىك، بۇعان دەيىن پرەزيدەنت ەكىنشى دەڭگەيلى بانكتەرمەن بىرلەسىپ، ەكونوميكانىڭ ناقتى سەكتورىن قارجىلاندىرۋدى تاپسىرعان بولاتىن.