پرەزيدەنت توگو رەسپۋبليكاسىنىڭ باسشىسىن اقوردادا قارسى الدى
12:06, 28 - قاراشا 2023
«اقوردا» رەزيدەنسياسىندا قازاقستانعا رەسمي ساپارمەن كەلگەن توگو رەسپۋبليكاسىنىڭ پرەزيدەنتى فور ەسسوزيمنا گناسسينگبەنى سالتاناتتى تۇردە قارسى الۋ ءراسىمى ءوتتى. Kazinform بۇل تۋرالى ق ر پرەزيدەنتىنىڭ باسپا ءسوز قىزمەتىنە سىلتەمە جاساپ حابارلايدى.
قاسىم-جومارت توقايەۆ پەن فور ەسسوزيمنا گناسسينگبە ءبىر- بىرىنە رەسمي دەلەگاتسيا مۇشەلەرىن تانىستىردى. قۇرمەت قاراۋىلىنىڭ باستىعى مەملەكەتتەر باسشىلارىنا راپورت بەرىپ، ەكى ەلدىڭ ءانۇراندارى شىرقالدى.
مەملەكەت باسشىسى قاسىم-جومارت توقايەۆتىڭ شاقىرۋىمەن 27-28-قاراشادا توگو رەسپۋبليكاسىنىڭ پرەزيدەنتى فور ەسسوزيمنا گناسسينگبە قازاقستانعا رەسمي ساپارمەن كەلەتىنىن بۇعان دەيىن جازعان بولاتىنبىز.
اۆتور
گۇلميرا الياكپاروۆا