پرەزيدەنت ۆەتنام كومپارتياسى ورتالىق كوميتەتىنىڭ باس حاتشىسىنا قۇتتىقتاۋ جەدەلحاتىن جولدادى
19:10, 28 - قاڭتار 2025
استانا. KAZINFORM - قاسىم-جومارت توقايەۆ تو لامدى ۆەتنام كۇنتىزبەسى بويىنشا جاڭا جىل-تەت مەرەكەسىمەن قۇتتىقتادى.
مەملەكەت باسشىسى قازاقستاننىڭ ۆەتنامدى وڭتۇستىك-شىعىس ازياداعى ماڭىزدى سەرىكتەس رەتىندە قاراستىراتىنىن اتاپ ءوتىپ، ەكىجاقتى ىنتىماقتاستىقتى جاڭا دەڭگەيگە كوتەرۋگە ەرەكشە ءمان بەرەتىنىن جازعان.
قاسىم-جومارت توقايەۆ تو لامنىڭ جاۋاپتى قىزمەتىنە تابىس، ال ۆەتنام حالقىنا قۇت-بەرەكە تىلەدى.
ايتا كەتەيىك، بۇعان دەيىن مەملەكەت باسشىسى ق ح ر ءتوراعاسىنا قۇتتىقتاۋ جەدەلحاتىن جولداعان.