پرەزيدەنت تەلەراديوكەشەنى قازاق- قىتاي ىنتىماقتاستىعى جايلى جاڭا «التىن وتىز جىلدىق» دەرەكتى فيلمىن ۇسىنادى
ق ر پرەزيدەنتىنىڭ تەلەراديوكەشەنى مەملەكەت باسشىسى قاسىم- جومارت توقايەۆتىڭ قىتاي حالىق رەسپۋبليكاسىنا 17-18-قازان كۇندەرى وتكەن رەسمي ساپارىنا وراي تۇسىرىلگەن دەرەكتى فيلمدى ۇسىنادى.
جاڭا «التىن 30 جىلدىق» دەپ اتالاتىن دەرەكتى فيلمدە رەسمي ساپاردىڭ قاسىم- جومارت توقايەۆ پەن ق ح ر ءتوراعاسى شي جينپيڭنىڭ كەلىسسوزىمەن باستالعانى باياندالادى.
مەملەكەت باسشىسىنىڭ سول كۇنى بەيجىڭ ءتىل جانە مادەنيەت ۋنيۆەرسيتەتىنە بارىپ، وقۋ ورداسىنىڭ اۋماعىنا قويىلعان ۇلى عالىم، الەمنىڭ ەكىنشى ۇستازى اتانعان عۇلاما بابامىز ءابۋ ناسىر ءال- فارابي ءبيۋستىن اشۋ سالتاناتىنا قاتىسقانى، سول جەردە وقىپ جاتقان قازاق ستۋدەنتتەرىمەن كەزدەسكەنى دە فيلمگە ارقاۋ بولعان.
«بارشاڭىزعا ءمالىم، ءال- فارابي - شىعىستىڭ ۇلى ويشىلى، ونىڭ الەمدىك وركەنيەتتىڭ دامۋىنا قوسقان ۇلەسى وراسان زور. ءال- فارابي قازاقستان اۋماعىندا تۋىپ- ءوستى، ءبىلىم ىزدەپ كوپتەگەن ەلگە باردى. ماتەماتيكا، جاراتىلىستانۋ، استرونوميا، فيلولوگيا جانە باسقا دا ءبىرقاتار ءىلىمدى دامىتۋعا زور ەڭبەك ءسىڭىردى. ادامزاتتىڭ دامۋىنا ولشەۋسىز ۇلەس قوستى. مەن دە كەزىندە وسى وقۋ ورنىندا تۋرا قىرىق جىل بۇرىن ءبىلىم الدىم. سوندىقتان بۇگىن ءابۋ ناسىر ءال- فارابيدىڭ ءمۇسىنىن اشۋ - مەن ءۇشىن زور مارتەبە»، - دەدى قاسىم- جومارت توقايەۆ سالتاناتتى راسىمدە.
ءدال وسى ۋنيۆەرسيتەت قابىرعاسىنداعى جۇرەككە جىلۋ ۇيالاتار تاعى ءبىر كەزدەسۋ فيلمنىڭ اجارىن اشا تۇسكەن. ول - ۇستاز بەن شاكىرت جۇزدەسۋى. ۇستاز - پروفەسسور ليۋ شيتسين شاكىرت - قاسىم- جومارت كەمەل ۇلىنا بەيجىڭ لينگۆيستيكالىق ينستيتۋتىندا تاعىلىمدامادان وتكەن كەزدە ءدارىس بەرگەن ەكەن.
كەلىسسوز بارىسىندا ەلارالىق ساۋدا- ەكونوميكا، مۇناي- گاز، مۇناي حيمياسى، ەنەرگەتيكا، قارجى، كولىك- ترانزيت، اتوم ونەركاسىبى، ماشينا جاساۋ، تۋريزم، ەلەكتروندى كوممەرتسيا جانە جوعارى تەحنولوگيا سالالارىنداعى ىقپالداستىقتى دامىتۋ ماسەلەلەرى تالقىلانىپ، ناتيجەسىندە قوس تاراپ ماڭىزدى قۇجاتتارعا قول قويىلعان.
سونداي- اق دەرەكتى فيلمدە پرەزيدەنتتىڭ قىتايدىڭ SINOPEC، YTO Express Co.، Ltd, CRRC corporation Limited سىندى كومپانيالارىنىڭ باسشىلارىمەن جۇزدەسىپ، ەكونوميكالىق بايلانىستارعا باسا ءمان بەرىلگەندىگىنە دە نازار اۋدارىلادى.
پرەزيدەنت رەسمي ساپارىنىڭ باستى ماقساتىنىڭ ءبىرى - «ءبىر بەلدەۋ، ءبىر جول» حالىقارالىق ىنتىماقتاستىعىنىڭ Ⅲ فورۋمىنا قاتىسۋ بولعان ەدى. ءىس- شارا بارىسىندا مەملەكەت باسشىسى ءۇش جىل ىشىندە 1300 شاقىرىم جاڭا تەمىرجول جول سالۋعا، قىتايمەن شەكارادا ءۇشىنشى تەمىرجول وتكىزۋ پۋنكتىن اشۋعا، «باقتى» جانە «قالجات» جاڭا قۇرعاق پورتتارىنىڭ قۇرىلىسىنا قاتىستى جوسپارىن ورتاعا سالعان.
قاسىم- جومارت توقايەۆ رەسمي ساپارى بارىسىندا قازاقستاننىڭ اباي، الماتى، شىعىس قازاقستان جانە جەتىسۋ وبلىستارىمەن شەكارالاس جاتقان شىڭجاڭ ورتالىعى ءۇرىمجى قالاسىنا دا ارنايى ات باسىن بۇرعان. فيلمدە اتالعان شاھارعا ساپار اياسىندا مەملەكەت باسشىسىنىڭ قىتاي كوممۋنيستىك پارتياسى ورتالىك كوميتەتى ساياسي بيۋروسىنىڭ مۇشەسى، شىڭجاڭ- ۇيعىر اۆتونوميالىق اۋدانى پارتيا كوميتەتىنىڭ حاتشىسى ما شيڭرۋيمەن كەزدەسكەنىنە، تاراپتاردىڭ ساۋدا، ونەركاسىپ، كولىك، لوگيستيكا، اۋىل شارۋاشىلىعى، تۋريزم تاعى باسقا باعىتتار بويىنشا قازاقستاننىڭ شىڭجاڭمەن اراداعى قارىم- قاتىناسىن تالقىلاعانىنا باسا ءمان بەرىلگەن.
جاڭا «التىن وتىز جىلدىق» . دەرەكتى فيلم اتاۋى قۇلاققا توسىن ەستىلگەنىمەن كوتەرەر جۇگى، ايتار وي سالماقتى. الداعى 30 جىلدا ەكونوميكالىق بايلانىسى مىعىم، الىس- بەرىسى تۇراقتى، تاتۋ كورشىلىك بايلانىستارى بەرىك قازاق- قىتاي قارىم- قاتىناسىنىڭ التىن ءداۋىرى وتەتىندىگىن مەڭزەپ تۇرعانداي. ەندەشە وسىناۋ ۇلكەن ساپار جايلى ەگجەي- تەگجەيلى دەرەكتى فيلمىنەن قانىق بولىڭىزدار!