پرەزيدەنت ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى جاندوس شايماردانوۆتى قابىلدادى

استانا. KAZINFORM - مەملەكەت باسشىسى ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى جاندوس شايماردانوۆتى قابىلدادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

جاندوس شايماردانوۆ:

الەمدىك جانە ۇلتتىق ەكونوميكاداعى قازىرگى ترەندتەر تۋرالى ايتتى؛

قۇرىلىمدىق رەفورمالاردى ودان ءارى جۇزەگە اسىرۋ جونىندە ۇسىنىستار بەردى؛

مەملەكەتتىك ستاتيستيكا مەن دەرەكتەردى باسقارۋ نەگىزدەرىن ينستيتۋتسيونالدىق تۇرعىدان كۇشەيتۋ تۋرالى باياندادى:

- ۇلتتىق ستاتيستيكا بيۋروسىنا اكىمشىلىك دەرەككوزدەرگە قاتىستى مەملەكەتتىك باقىلاۋ وكىلەتتىگى بەرىلدى؛

- جىل سوڭىنا دەيىن 9 مەملەكەتتىك ورگاننىڭ دەرەكتەر بازاسى ساپاسىنا باعالاۋ جۇرگىزىلەدى. بۇل اكىمشىلىك دەرەككوزدەرى ءۇشىن ساپا ستاندارتتارى مەن حالىقارالىق ادىستەمەنى قولدانۋعا كومەگىن تيگىزەدى؛

اگەنتتىكتىڭ اكىمشىلىك جانە بالامالى اقپارات كوزدەرىن بەلسەندى پايدالانۋدى ەسكەرە وتىرىپ، ستاتيستيكالىق قىزمەتتى قىسقا مەرزىمدى جوسپارلاۋدان ءۇش جىلعا دەيىنگى ورتا مەرزىمدى جوسپارلاۋعا كوشۋى جونىندە ايتتى؛

اتالعان رەفورمالار ستاتيستيكالىق ەسەپتىلىكتى 2 ەسەگە دەيىن ازايتۋعا مۇمكىندىك بەرەتىنىن جانە دەرەكتەردىڭ ساپاسى مەن رەسمي ستاتيستيكاعا دەگەن سەنىمدى ارتتىراتىنىن جەتكىزدى.

كەزدەسۋ سوڭىندا پرەزيدەنت الەۋمەتتىك-ەكونوميكالىق رەفورمالاردى جان-جاقتى پىسىقتاۋدىڭ ماڭىزدى ەكەنىنە توقتالىپ، اگەنتتىك ءتوراعاسىنا وسى باعىتتاعى جۇمىستاردى جالعاستىرۋدى تاپسىردى.