پرەزيدەنت ۇستەل تەننيسىنەن ازيا چەمپيوناتىنىڭ فينالدىق ويىندارىن تاماشالادى
استانا. KAZINFORM - قاسىم-جومارت توقايەۆ استانا قالاسىندا وتكەن ۇستەل تەننيسىنەن ازيا چەمپيوناتىنىڭ جەكەلەي جانە جۇپتىق سىندارداعى فينالدىق ويىندارىن كوردى. بۇل تۋرالى اقوردانىڭ باسپا ءسوز قىزمەتى حابارلادى.
اتالعان بىرىنشىلىككە 26 ەلدىڭ 210 سپورتشىسى قاتىستى. ولاردىڭ قاتارىندا وليمپيادا جانە الەم چەمپيوندارى دا بار.
ايتا كەتەيىك، استانادا ۇستەل تەننيسىنەن ازيا چەمپيوناتىندا ەرلەر اراسىنداعى كوماندالىق باسەكە ءوز مارەسىنە جەتتى.
فينالدىق سايىستا قىتاي قۇراماسى مەن قىتايلىق تايبەي قۇراماسى ءوزارا مىقتىنى انىقتادى.
قازاقستان ەرلەر كومانداسى 7-8 -ورىن ءۇشىن سايىستا يراندى 3:1 ەسەبىمەن جەڭىپ، شيرەك فينالدا ءۇندىستانعا جول بەرگەن بولاتىن.
بۇعان دەيىن حابارلاعانىمىزداي، ايەلدەر اراسىنداعى كوماندالىق باسەكەدە جاپونيا جەڭىمپاز اتانسا، قىتاي قۇراماسى ەكىنشى ورىن يەلەندى.