پرەزيدەنت «قازاتومونەركاسىپ» ۇ ا ك» ا ق باسقارما ءتوراعاسى مەيىرجان يۋسۋپوۆتى قابىلدادى
استانا. KAZINFORM - قاسىم-جومارت توقايەۆقا كومپانيانىڭ 2024 -جىلدىڭ ءبىرىنشى جارتىجىلدىعىندا اتقارعان قىزمەتى تۋرالى ەسەپ بەرىلدى.
مەيىرجان يۋسۋپوۆ جىل باسىنان بەرى ۋران ءوندىرۋ كولەمى شامامەن 11 مىڭ تونناعا جەتكەنىن جانە ءونىمدى ساتۋ كورسەتكىشى 8 مىڭ تونناعا جۋىقتاعانىن ايتتى.
مەملەكەت باسشىسىنا ەلىمىزدىڭ مينەرالدى- شيكىزات بازاسىن نىعايتۋ جانە تولىقتىرۋ باعىتىندا جۇزەگە اسىرىلىپ جاتقان جوبالار، سونداي-اق ۇلتتىق كومپانيانىڭ گەولوگيالىق بارلاۋ اكتيۆتەرىنىڭ پورتفەلىن ودان ءارى كەڭەيتۋ جوسپارى تۋرالى باياندالدى.
«قازاتومونەركاسىپ» كومپانياسىنىڭ باسشىسى مەكەمە وڭىرلەردى الەۋمەتتىك تۇرعىدان دامىتۋعا 3,5 ميلليارد تەڭگەدەن استام قارجى بولگەنىن جەتكىزدى. وسى ورايدا سۋ تاسقىنىنان زارداپ شەككەن ايماقتارعا دا كومەك بەرىلگەن.
كەزدەسۋ سوڭىندا قاسىم-جومارت توقايەۆ گەولوگيالىق بارلاۋ جانە رەسۋرستىق بازانى تولىقتىرۋدىڭ ماڭىزدى ەكەنىن اتاپ ءوتىپ، بۇل باعىتتاعى جۇمىستى جالعاستىرۋدى تاپسىردى.
اۆتور
اسحات رايقۇل