پرەزيدەنت قارجىلىق مونيتورينگ اگەنتتىگىنىڭ وكىلەتتىگىن كەڭەيتتى

استانا. KAZINFORM - قازاقستان پرەزيدەنتى قاسىم-جومارت توقايەۆ 2025 -جىلعى 14-شىلدەدە قارجىلىق مونيتورينگ اگەنتتىگى تۋرالى ەرەجەگە وزگەرىستەر مەن تولىقتىرۋلار ەنگىزۋ تۋرالى جارلىققا قول قويدى.

قۇجاتقا سايكەس:

- قازاقستان رەسپۋبليكاسىنىڭ قارجىلىق مونيتورينگ اگەنتتىگى - قازاقستان رەسپۋبليكاسى پرەزيدەنتىنە تىكەلەي باعىناتىن جانە ەسەپ بەرەتىن، قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا)، تەرروريزمدى قارجىلاندىرۋعا جانە جاپپاي قىرىپ-جويۋ قارۋىن تاراتۋدى قارجىلاندىرۋعا قارسى ءىس-قيمىل جونىندەگى قازاقستان رەسپۋبليكاسىنىڭ زاڭىنا سايكەس قارجىلىق مونيتورينگ جۇرگىزەتىن جانە وزگە دە شارالاردى قابىلدايتىن، سونداي-اق وسى ورگاننىڭ قۇزىرەتىنە قازاقستان رەسپۋبليكاسىنىڭ زاڭناماسىنا سايكەس ەكونوميكالىق جانە قارجىلىق قۇقىق بۇزۋشىلىقتاردىڭ الدىن الۋ، انىقتاۋ، جولىن كەسۋ، اشۋ جانە تەرگەۋدى جۇزەگە اسىراتىن مەملەكەتتىك ورگان، - دەلىنگەن جارلىقتا.

اگەنتتىك ءوز قۇزىرەتى شەگىندە شەشىم قابىلداۋدا دەربەس، سونداي-اق وبلىستاردا، رەسپۋبليكالىق ماڭىزى بار قالالاردا، استانادا اۋماقتىق ورگاندارى مەن مامانداندىرىلعان مەملەكەتتىك مەكەمەسى جانە ءوزىنىڭ قاراماعىنداعى ۇيىمدارى بار.

ەرەجەگە كەلەسى قوسىمشا فۋنكتسيالار ەنگىزىلدى:

- اگەنتتىككە باعىنىستى ۇيىمدارعا اقپاراتتىق جۇيەدەن دەرەكتەر، مالىمەتتەر جانە وزگە دە قۇجاتتاردى بەرۋ قاعيداسىن بەكىتەدى؛
- كەزەكتەن تىس اتتەستاتتاۋدى وتكىزۋ ءتارتىبىن، كەزەڭى مەن مەرزىمىن ايقىندايدى؛
- قۇقىق قورعاۋ ورگاندارىنىڭ باسشىلارىمەن بىرلەسىپ پسيحولوگيالىق- الەۋمەتتىك زەرتتەۋلەر جۇرگىزۋدىڭ ءتارتىبى مەن ءادىسىن بەكىتەدى.

سونىمەن قاتار، جاڭا رەداكتسيادا اگەنتتىكتىڭ ءبىرقاتار فۋنكتسياسى جازىلعان:

- زاڭعا سايكەس قارجىلىق مونيتورينگكە جاتاتىن اقشا نەمەسە وزگە دە مۇلىكپەن جاسالاتىن وپەراتسيالار تۋرالى مالىمەتتەر مەن اقپاراتتى جيناۋدى، وڭدەۋدى، تالداۋدى جانە پايدالانۋدى جۇزەگە اسىرادى؛
- اگەنتتىكتىڭ قىزمەتىن ۇيىمداستىرادى جانە باسشىلىق ەتەدى، اگەنتتىكتىڭ اۋماقتىق ورگاندارى مەن مامانداندىرىلعان مەملەكەتتىك مەكەمەسىنىڭ، سونداي-اق اگەنتتىككە باعىنىستى ۇيىمداردىڭ قىزمەتىن ۇيلەستىرۋ جانە باقىلاۋدى جۇزەگە اسىرادى؛
- قىزمەتكە ۇمىتكەردىڭ كاسىبي قۇزىرەتىن، نەگىزگى كورسەتكىشى مەن باسەكەگە قابىلەتتىلىك كورسەتكىشىن (سيفرلىق رەيتينگ) ايقىنداۋ ءتارتىبى مەن ءادىسىن بەكىتەدى.

جارلىق 2025 -جىلعى 17-شىلدەدە قولدانىسقا ەنگىزىلدى.

ايتا كەتسەك، 20-ماۋسىمدا پرەزيدەنت سوت اكتىلەرىن ماجبۇرلەپ ورىنداتۋ بويىنشا اقپارات الماسۋ تۋرالى جارلىققا قول قويدى.