پرەزيدەنت قارجىلىق مونيتورينگ اگەنتتىگىنىڭ ءتوراعاسىن قابىلدادى
استانا. KAZINFORM - قاسىم-جومارت توقايەۆ قارجىلىق مونيتورينگ اگەنتتىگىنىڭ ءتوراعاسى جانات ەليمانوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋدە مەملەكەت باسشىسىنا كولەڭكەلى ەكونوميكاعا قارسى ءىس-قيمىل جونىندەگى كەشەندى جوسپاردىڭ جۇزەگە اسىرىلۋ بارىسى باياندالدى.
جانات ەليمانوۆ زاڭسىز كىرىستەردى جىلىستاتۋعا قارسى ءىس-قيمىل جونىندەگى ۇلتتىق جۇيەنىڭ FATF ۇسىنىمدارىنا سايكەستەندىرىلگەنىن ايتتى.
پرەزيدەنت اگەنتتىكتىڭ جاڭادان تاعايىندالعان ءتوراعاسىنا كولەڭكەلى ەكونوميكا دەڭگەيىن تومەندەتۋگە جانە قارجى سالاسىنىڭ اشىقتىعىن قامتاماسىز ەتۋگە باعىتتالعان ءبىرقاتار تاپسىرما بەردى.
ايتا كەتەيىك، 16 -قىركۇيەكتە مەملەكەت باسشىسىنىڭ جارلىعىمەن جانات قالدىبەك ۇلى ەليمانوۆ قازاقستان رەسپۋبليكاسى قارجىلىق مونيتورينگ اگەنتتىگىنىڭ ءتوراعاسى بولىپ تاعايىندالدى.