پرەزيدەنت: ماڭعىستاۋ وبلىسىنىڭ اكىمى ءوز ىسىنە بەلسەندى تۇردە كىرىستى
22:33, 18 - ءساۋىر 2025
استانا. KAZINFORM - بۇگىن مەملەكەت باسشىسى قاسىم-جومارت توقايەۆتىڭ توراعالىعىمەن ماڭعىستاۋ وبلىسىنىڭ الەۋمەتتىك-ەكونوميكالىق دامۋى جونىندەگى كەڭەس ءوتتى.
پرەزيدەنت اۋىزسۋ، كوممۋنالدىق ينفراقۇرىلىمنىڭ توزۋى، دەنساۋلىق ساقتاۋ جانە ءبىلىم سالاسىنداعى كەمشىلىكتەرگە نازار اۋداردى. مەملەكەت باسشىسى كاسىپكەرلىك، تۋريزم، ەكولوگيالىق تۇراقتىلىق پەن كولىك ينفراقۇرىلىمى تۋرالى دا ايتتى.
پرەزيدەنت ماڭعىستاۋ وبلىسىنىڭ اكىمى نۇرداۋلەت قيلىبايدىڭ جۇمىستى جاقسى بىلەتىنىن، قىزمەتىنە بەلسەندى تۇردە كىرىسكەنىن اتاپ ءوتتى.
- ول الدىندا تۇرعان مىندەتتەردى جاقسى تۇسىنەدى جانە ولاردىڭ شەشۋ جولدارىن بىلەدى. تاياۋ ارادا ناتيجە كۇتەمىن. ول كوتەرگەن ماسەلەلەر وتە وزەكتى. ۇكىمەت ولاردى جان-جاقتى قاراپ، مۇمكىندىگىنشە شەشۋى كەرەك، - دەدى مەملەكەت باسشىسى.