پرەزيدەنت ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىندى
21:22, 15 - ناۋرىز 2024
استانا. KAZINFORM - پرەزيدەنت ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىندى.
بۇل تۋرالى مەملەكەت باسشىسى ۇلتتىق قۇرىلتايدىڭ ءۇشىنشى وتىرىسىندا سويلەگەن سوزىندە ايتتى.
«شىن مانىندە، مۇنداي القالى جيىنداردى ايماقتاردا وتكىزۋدىڭ ءمان-ماڭىزى زور. سول ارقىلى وبلىستاردىڭ دامۋىنا تىڭ سەرپىن بەرەمىز. وسى ءۇردىس الداعى ۋاقىتتا دا جالعاسىن تابادى. ايگىلى قاسىم حان - سارايشىقتا، ابىلاي حان - بۋرابايدا ورداسىن تىككەنى بەلگىلى. ەسىلدىڭ بويىندا - كەنەسارى حان مەملەكەتتىگىمىزدى ساقتاپ قالۋ ءۇشىن تالاي جورىققا شىققان. بۇل ايماق ءتول شەجىرەمىزدە ايرىقشا ورىن الادى. سوندىقتان ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىنامىن»، - دەپ قورىتتى ءسوزىن پرەزيدەنت.