استانا. KAZINFORM - مەملەكەت باسشىسى قاسىم-جومارت توقايەۆ ەلىمىزدىڭ ءبىرقاتار وبلىسىنداعى سۋ تاسقىنى سالدارىنان قالىپتاسقان كۇردەلى جاعدايعا بايلانىستى قازاقستان حالقىنا ۇندەۋ جاريالايتىنى تۋرالى ق ر پرەزيدەنتىنىڭ كەڭەسشىسى - باسپا ءسوز حاتشىسى بەرىك ءۋالي Facebook الەۋمەتتىك جەلىسىندەگى پاراقشاسى ارقىلى ءمالىم ەتتى.
پرەزيدەنت ۇندەۋى بارلىق رەسپۋبليكالىق ارنالاردان بۇگىن ساعات 13:00 دە كورسەتىلەدى.
بۇعان دەيىن پرەزيدەنت قاسىم-جومارت توقايەۆ ەلىمىزدىڭ ءبىرقاتار وڭىرىندە بولعان سۋ تاسقىنى سالدارىنان تۋىنداعان توتەنشە جاعدايعا بايلانىستى شۇعىل كەڭەس وتكىزدى.
مەملەكەت باسشىسى جاعدايدى قالىپقا كەلتىرۋ ءۇشىن شۇعىل شارالار قابىلداۋمەن قاتار، جۇيەلى جۇمىس قاجەت ەكەنىن اتاپ ءوتتى.
سونداي-اق پرەزيدەنت قاسىم-جومارت توقايەۆتىڭ توراعالىعىمەن سۋ تاسقىنىنا قارسى شارالاردى ۇيلەستىرۋ جانە قارعىن سۋ ءجۇرۋ كەزەڭىنىڭ سالدارىن جويۋ جونىندەگى رەسپۋبليكالىق شتابتىڭ وتىرىسى ءوتتى.
4-ءساۋىر كۇنى قاسىم- جومارت توقايەۆ جۇمىس ساپارىمەن باتىس قازاقستان وبلىسىنا باردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан