استانا. KAZINFORM - پرەزيدەنت كۋۆەيت مەملەكەتىنىڭ امىرىنە قۇتتىقتاۋ جەدەلحاتىن جولدادى قاسىم-جومارت توقايەۆ قازاقستان حالقىنىڭ جانە جەكە ءوز اتىنان شەيح ميشاال ءال-احماد ءال-دجابەر اس-ساباح پەنكۋۆەيت حالقىن ءتول مەرەكەسى - ۇلتتىق كۇنىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
- بەيبىتشىلىك پەن تۇراقتىلىقتى تۋ ەتكەن ەلىڭىز بولاشاقتا ءوسىپ- وركەندەپ، يگى ماقسات- مۇراتتارعا جەتە بەرۋىنە تىلەكتەسپىن. ءبىز كۋۆەيتتى قازاقستاننىڭ اراب الەمىندەگى سەنىمدى ءارى ماڭىزدى سەرىكتەستەرىنىڭ ءبىرى رەتىندە قاراستىرامىز. بەرىك دوستىق پەن ءوزارا سەنىمگە نەگىزدەلگەن ارىپتەستىگىمىز بىرلەسكەن كۇش- جىگەرىمىزدىڭ ارقاسىندا قارقىندى دامي تۇسەتىنىنە كامىل سەنەمىن، - دەپ جازىلعان جەدەلحاتتا.
پرەزيدەنت كۋۆەيت ءامىرىنىڭ اسا جاۋاپتى قىزمەتى مەن بارلىق باستامالارىنا مول تابىس، ال باۋىرلاس كۋۆەيت حالقىنا قۇت- بەرەكە تىلەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.