پرەزيدەنت كورەيا رەسپۋبليكاسى ۇلتتىق اسسامبلەياسىنىڭ توراعاسىمەن كەزدەستى
16:41, 09 - قازان 2024
استانا. KAZINFORM - قاسىم-جومارت توقايەۆ ۋ ۆون شيكتىڭ كورەيا رەسپۋبليكاسى ۇلتتىق اسسامبلەياسىنىڭ ءتوراعاسى رەتىندە قازاقستانعا جاساعان العاشقى ساپارى ەلدەرىمىز اراسىنداعى تىعىز قارىم-قاتىناستاردىڭ دالەلى ەكەنىن ايتتى، دەپ حابارلايدى اقوردانىڭ باسپا ءسوز قىزمەتى.
پرەزيدەنت قازاقستاننىڭ ازياداعى نەگىزگى سەرىكتەستەرىنىڭ ءبىرى وڭتۇستىك كورەيامەن اراداعى سانقىرلى ىنتىماقتاستىق قارقىندى دامىپ كەلە جاتقانىن ايرىقشا اتاپ ءوتتى.
مەملەكەت باسشىسى تاراپتاردىڭ پارلامەنتارالىق ىقپالداستىقتى جانداندىرۋ جولىنداعى كۇش-جىگەرىنە قولداۋ ءبىلدىردى. بۇل - ساياسي، ساۋدا-ەكونوميكالىق جانە مادەني-گۋمانيتارلىق بايلانىستاردى ودان ءارى نىعايتۋ ءىسىنىڭ ماڭىزدى تەتىگى.
اۆتور
ەربول جانات