پرەزيدەنت كورسەتىلەتىن قىزمەتتەردىڭ ەركىن ساۋداسى تۋرالى زاڭعا قول قويدى

استانا. KAZINFORM - مەملەكەت باسشىسى «كورسەتىلەتىن قىزمەتتەردىڭ ەركىن ساۋداسى، ينۆەستيتسيالاردىڭ قۇرىلۋى، قىزمەتى جانە جۇزەگە اسىرىلۋى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇل تۋرالى اقوردا ءمالىم ەتتى.

ەسكە سالا كەتەيىك، بۇعان دەيىن سەنات «كورسەتىلەتىن قىزمەتتەردىڭ ەركىن ساۋداسى، ينۆەستيتسيالاردىڭ قۇرىلۋى، قىزمەتى جانە جۇزەگە اسىرىلۋى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىن ماقۇلداعان بولاتىن.

زاڭ جوباسى تۋرالى بايانداما جاساعان ساۋدا جانە ينتەگراتسيا ءمينيسترى ارمان شاققاليەۆ كەلىسىمنىڭ نەگىزگى ماقساتى - تاۋەلسىز مەملەكەتتەر دوستاستىعىنا مۇشە ەلدەردىڭ كورسەتىلەتىن قىزمەتتەرىنىڭ ەركىن ساۋدا ايماعىن قالىپتاستىرۋ ەكەنىن ايتقان ەدى.

ونىڭ ايتۋىنشا، كەلىسىم ت م د- عا مۇشە مەملەكەتتەردىڭ قىزمەت بەرۋشىلەرى ءۇشىن سەرىكتەستەر نارىعىندا نەعۇرلىم ءتيىمدى شارتتار ۇسىنۋ تۋرالى مىندەتتەمەلەردى بەكىتۋگە مۇمكىندىك بەرەدى.

زاڭنىڭ ءماتىنى باسپا سوزدە جاريالانادى.