پرەزيدەنت كۋبوگى: قازاقستان قۇراماسى «بارىستان» باسىم ءتۇستى

استانا. KAZINFORM - قازاقستان وليمپيادالىق قۇراماسى شايبالى حوككەيدەن ق ر پرەزيدەنتى كۋبوگىندا ەلوردالىق «بارىس» كومانداسىنان باسىم ءتۇستى.

العاشقى تۋردا قازاقستاندىق حوككەيشىلەر رەسەيدىڭ «لادا» (تولياتتي) كومانداسىنا ەسە جىبەرگەن ەدى. سوندىقتان بۇگىنگى كەزدەسۋدە ولار جەڭىسكە جەتۋ جولىن ىزدەدى.

ال ءبىرىنشى ويىنىندا «بارىس» رەسەيدىڭ «امۋر» (حاباروۆسك) كلۋبىن 2:1 ەسەبىمەن تىزە بۇكتىردى.

ويىن بارىسىندا العاشقى مينۋتتان ەلىمىزدىڭ وليمپيادالىق قۇراماسىنىڭ بەلسەندىلىگى بايقالىپ تۇردى. ناتيجەسىندە ولاردىڭ قاتارىنان 6-مينۋتتا ەدۋارد ميحايلوۆ ەسەپ اشسا، 20-مينۋتتا كيريلل پانيۋكوۆ باسىمدىقتى ارتتىردى.

ال ءاليحان اسەتوۆ 38-مينۋتتا مەرگەندىك تانىتسا، 46-مينۋتتا رۋسلان وسپانوۆ 46، رومان ستارچەنكو 57-مينۋتتا كوزدەگەن نىسانادان ءمۇلت كەتكەن جوق.

وسىلايشا قازاقستان وليمپيادالىق قۇراماسى «بارىستان» 5:0 ەسەبىمەن باسىم ءتۇستى.

ەندى 17-تامىزدا قازاقستان قۇراماسى مەن «امۋر». «بارىس» - «لادا» ويناسا، 18-تامىزدا 3-ورىن ءۇشىن ويىن مەن فينال وتەدى.

قازاقستاندىق حوككەيشىلەر فينالدىق وليمپيادالىق ىرىكتەۋ ويىندارىندا سلوۆاكيانىڭ براتيسلاۆا قالاسىندا 29-تامىز-1-قىركۇيەك ارالىعىندا اۆستريا، ۆەنگريا جانە سلوۆاكيا قۇرامالارىمەن وينايدى.

شايبالى حوككەيدەن قازاقستان وليمپيادالىق قۇراماسىن ق ر پرەزيدەنتى كۋبوگىنا ولەگ بولياكين دايىندادى. وعان گەورگي ۆەرەشاگين، تالعات جايلاۋوۆ، پاۆەل بەسسونوۆ كومەكشىلىك جاسادى.