پرەزيدەنت كاسىپكەرلەردىڭ قۇقىعىن قورعاۋ جونىندەگى ۋاكىل قانات نۇروۆتى قابىلدادى
15:31, 30 - ءساۋىر 2024
استانا. KAZINFORM - مەملەكەت باسشىسى جاڭادان تاعايىندالعان قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل قانات نۇروۆتى قابىلدادى.
كەزدەسۋ بارىسىندا پرەزيدەنت كاسىپكەرلەردىڭ قۇقىعىن قورعاۋ جۇمىستارىن جانداندىرۋ قاجەت ەكەنىن ايتتى.
قاسىم-جومارت توقايەۆ بيزنەسكە قاتىستى اكىمشىلىك كەدەرگىلەردى انىقتاۋعا جانە ولاردى جويۋ شارالارىن ازىرلەۋگە، سونداي-اق وتاندىق كاسىپكەرلىكتى دامىتۋ ءۇشىن قولايلى ورتا قالىپتاستىرۋعا باعىتتالعان ءبىرقاتار تاپسىرما بەردى.