پرەزيدەنت جەڭىستىڭ 80 جىلدىعىنا ارنالعان ءىس-شارالارعا قاتىسۋ ءۇشىن رەسەيگە باردى
14:40, 08 - مامىر 2025
ماسكەۋ. KAZINFORM - مەملەكەت باسشىسى قاسىم-جومارت توقايەۆ پرەزيدەنت ۆلاديمير پۋتيننىڭ شاقىرۋىمەن ۇلى جەڭىستىڭ 80 جىلدىعىنا ارنالعان ءىس-شارالارعا قاتىسۋ ءۇشىن رەسەيگە باردى. بۇل تۋرالى اقوردا ءمالىم ەتتى.
- قازاقستان پرەزيدەنتى بۇگىن ماسكەۋدە ءبىرقاتار شەت مەملەكەت باسشىلارىمەن كەزدەسۋ وتكىزەدى، - دەلىنگەن حابارلامادا.
ەسكە سالا كەتەيىك، بۇگىن مەملەكەت باسشىسى ۇلى جەڭىستىڭ 80 جىلدىعىنا وراي ەلورداداعى «وتان انا» مونۋمەنتىنە گۇل شوعىن قويىپ، قازاقستاندىق مايدانگەرلەردىڭ رۋحىنا تاعزىم ەتتى.