پرەزيدەنت جوعارعى سوت ءتوراعاسى اسلامبەك مەرعاليەۆتى قابىلدادى

استانا. KAZINFORM - مەملەكەت باسشىسى جوعارعى سوت ءتوراعاسى اسلامبەك مەرعاليەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

پرەزيدەنتكە سوت تورەلىگىنىڭ ساپاسىن جاقسارتۋ ءۇشىن قابىلدانىپ جاتقان شارالار جونىندە باياندالدى.

اسلامبەك مەرعالييەۆتىڭ ايتۋىنشا، اناليتيكالىق بلوك ايتارلىقتاي كۇشەيتىلىپ، جوعارعى سوتتىڭ جالپى نورماتيۆتىك قاۋلىلارىنىڭ ءۇشىنشى بولىگىنە تۇزەتۋلەر ەنگىزىلدى. بۇدان بولەك، تەرگەۋ كەزىندە ازاماتتاردىڭ قۇقىقتارىن قورعاۋ دەڭگەيى جاقسارا ءتۇستى. قاماۋعا الۋ تۇرىندەگى بۇلتارتپاۋ شاراسىنا سانكتسيا بەرۋدەن باس تارتاتىن جاعدايلاردىڭ جانە القابيلەردىڭ قاتىسۋىمەن سوتتا قارالاتىن ىستەردىڭ سانى مەن بىتىمگەرشىلىك كەلىسىممەن اياقتالعان ازاماتتىق داۋلاردىڭ ۇلەسى ارتتى.

مەملەكەت باسشىسىنا سوت رەفورماسىنىڭ بارىسى تۋرالى مالىمەت بەرىلدى. مىسالى، دەپۋتاتتىق كورپۋسپەن بىرلەسە وتىرىپ، پرەزيدەنتتىڭ تاپسىرمالارىن جۇزەگە اسىرۋعا باعىتتالعان زاڭنامالىق تۇزەتۋلەر جونىندە باستاما كوتەرىلدى. اتاپ ايتقاندا، زاڭدى ورەسكەل بۇزعانى ءۇشىن تارتىپتىك ءىس قوزعاۋ ينستيتۋتىن قايتا قاراۋ، سوت تورەلىگىنىڭ ساپاسىن تەكسەرەتىن كوميسسيا جۇمىسىن جەتىلدىرۋ، دەربەس كاسساتسيالىق ساتى قۇرۋ ۇسىنىلادى.

قاسىم-جومارت توقايەۆ زاڭ ۇستەمدىگىن قامتاماسىز ەتۋ، سونداي-اق ازاماتتار مەن كاسىپكەرلەردىڭ قۇقىقتارىن جانە زاڭدى مۇددەلەرىن قورعاۋ ىسىندە سوت جۇيەسى ەرەكشە ءرول اتقاراتىنىن اتاپ ءوتتى.

مەملەكەت باسشىسى سوت جۇيەسىن ودان ءارى رەفورمالاۋ جۇمىستارىن جالعاستىرۋ ماڭىزدى دەپ سانايدى.