پرەزيدەنت حالىقارالىق سوت اكىمشىلىگى قاۋىمداستىعىنىڭ پرەزيدەنتى لۋيس پالمانى قابىلدادى
استانا. قازاقپارات - ق ر سۋديالارىنىڭ IX سەزى الاڭىندا قاسىم-جومارت توقايەۆ حالىقارالىق سوت اكىمشىلىگى قاۋىمداستىعىنىڭ (IACA) پرەزيدەنتى لۋيس پالمامەن كەزدەستى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
جۇزدەسۋدە قازاقستانداعى سوت رەفورماسىنىڭ وزەكتى ماسەلەلەرى تالقىلاندى. پرەزيدەنت ەلىمىزدە سوت اكىمشىلىگىنىڭ جاڭا جۇيەسى قۇرىلعاننان كەيىن سوتتاردىڭ دەربەستىگى نىعايا تۇسكەنىن اتاپ ءوتتى.
قاسىم-جومارت توقايەۆ پەن لۋيس پالما سوت ورگاندارى اراسىنداعى تىعىز ىنتىماقتاستىقتىڭ، سوت تورەلىگى جۇيەسىن جاڭعىرتۋ سالاسىندا تاجىريبە الماسۋدىڭ جانە سوت ءوندىرىسىن سيفرلاندىرۋدىڭ ماڭىزدى ەكەنىنە نازار اۋداردى.
مەملەكەت باسشىسى قازاقستان سوت اكىمشىلىگىنىڭ IACA- مەن ءوزارا ىقپالداستىعى اتالعان سالانى جاڭا دەڭگەيگە كوتەرىپ، ساپاسىن ارتتىرا تۇسەتىنىنە سەنىم ءبىلدىردى.
ءوز كەزەگىندە لۋيس پالما قازاقستاننىڭ سوت جۇيەسىن باسقارۋ سەگمەنتىندەگى جاڭا وزگەرىستەردى جوعارى باعالاپ، حالىقارالىق سوت اكىمشىلىگى قاۋىمداستىعىنىڭ باسقا مۇشەلەرى ءبىزدىڭ ەلىمىزدىڭ تاجىريبەسىن زەردەلەۋى قاجەت ەكەنىن ايتتى.
اۆتور
باقىتگۇل اباي قىزى