پرەزيدەنت ExxonMobil كورپوراتسياسىنىڭ باسقارما ءتوراعاسىن قابىلدادى
استانا. KAZINFORM - مەملەكەت باسشىسى ExxonMobil كورپوراتسياسىنىڭ باسقارما ءتوراعاسى جانە باس اتقارۋشى ديرەكتورى داررەن ۆۋدسپەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.
باسقوسۋ بارىسىندا ەنەرگەتيكا جانە مۇناي- گاز سالالارىنداعى ينۆەستيتسيالىق جوبالاردى جۇزەگە اسىرۋدىڭ قازىرگى جاي-كۇيى مەن پەرسپەكتيۆاسى تالقىلاندى.
ءوز كەزەگىندە قاسىم-جومارت توقايەۆ ەxxonmobil كورپوراتسياسىنىڭ ەل ەكونوميكاسىن دامىتۋعا قوسقان ۇلەسىن جوعارى باعالادى. سونداي-اق اتالعان كومپانيانى قازاقستاننىڭ ەنەرگەتيكا سەكتورىنداعى نەگىزگى ءارى سەنىمدى سەرىكتەستەرىنىڭ ءبىرى رەتىندە اتادى.
مەملەكەت باسشىسى مۇنان كەيىن مۇناي- گاز سالاسىنداعى بىرلەسكەن قىزمەت اياسىندا كومىرسۋتەگى ءوندىرىسىنىڭ كولەمىن ۇلعايتۋعا باعىتتالعان جوبالاردى جۇزەگە اسىرۋدىڭ ماڭىزىنا توقتالدى. وسى رەتتە قازاقستان تاراپىنىڭ اتالعان كورپوراتسيامەن ىقپالداستىقتى ودان ءارى تەرەڭدەتۋگە جانە ءوندىرىستىڭ تيىمدىلىگىن ارتتىرۋعا مۇددەلى ەكەنىن ايتتى.
كەزدەسۋ سوڭىندا داررەن ۆۋدس تەڭىز، قاشاعان جانە كاسپي قۇبىر كونسورتسيۋمى جوبالارىن تابىستى جۇزەگە اسىرۋعا قولايلى جاعداي جاساعانى ءۇشىن ريزاشىلىعىن ءبىلدىردى.