پرەزيدەنت ءىس باسقارماسى قىزمەتكەرلەرى اراسىندا توعىزقۇمالاق ويىنىنان تۋرنير باستالدى

استانا. KAZINFORM - بۇگىن ەلوردادا ق ر پرەزيدەنتىنىڭ ءىس باسقارماسى مەن باعىنىستى ۇيىمدارى قىزمەتكەرلەرىنىڭ اراسىندا توعىزقۇمالاقتان ءداستۇرلى تۋرنير باستالدى.

ۇلىستىڭ ۇلى كۇنى - ناۋرىز مەيرامى اياسىندا ۇيىمداستىرىلىپ جاتقان جارىسقا ق ر پرەزيدەنتى ءىس باسقارماسىنىڭ، مەديتسينالىق ورتالىقتىڭ، ماتەريالدىق-تەحنيكالىق قامتاماسىز ەتۋ باسقارماسىنىڭ، مەملەكەتتىك رەزيدەنتسيالار ديرەكسياسىنىڭ، پرەزيدەنتتىك ورتالىقتىڭ، ق ر پرەزيدەنتى اكىمشىلىگى مەن ۇكىمەتىنىڭ اكىمشىلىك عيماراتتارى ديرەكتسياسىنىڭ، اۆتوشارۋاشىلىقتىڭ، بۇركىتتىڭ، ينجەنەرلىك-تەحنيكالىق ورتالىقتىڭ، پرەزيدەنت تەلەراديوكەشەنىنىڭ كوماندالارى جارىسقا قاتىسىپ جاتىر.

«بۇگىن توعىزقۇمالاق بويىنشا ءداستۇرلى تۋرنيرىمىزدى وتكىزىپ جاتىرمىز. توعىزقۇمالاق وتە قىزىقتى ءارى تەرەڭ ويلاۋدى تالاپ ەتەتىن، حالقىمىزدىڭ دانالىعىن كورسەتەتىن ۇلتتىق ويىنداردىڭ ءبىرى. بۇل ويىن قازىر ەلىمىزدە كەڭ تاراپ، دامىپ كەلەدى. توعىزقۇمالاق - الەمدىك مادەنيەتكە قازاق ۇلتىنىڭ قوسقان ۇلەسىنىڭ جارقىن ۇلگىسىنىڭ ءبىرى. بۇل رەتتە، 2020-جىلى توعىزقۇمالاق ويىنى يۋنەسكونىڭ ادامزاتتىڭ مادەني مۇراسى تىزىمىنە ەنگىزىلگەنىن اتاپ وتكەن ءجون. بۇگىن تۋرنيرگە قاتىسۋعا 10 كوماندا جينالىپ وتىر. قاتىسۋشىلارعا العىرلىق، ۇشقىر وي جانە ءساتتى ويىن تىلەيمىن!»، - دەدى ق ر پرەزيدەنتى ءىس باسقارماسىنىڭ اپپارات باسشىسى سەرىك كەنجەبايەۆ.

ايتا كەتەيىك، بىلتىر كۇزدە پرەزيدەنت ءىس باسقارماسى قىزمەتكەرلەرى توعىزقۇمالاق ويناپ جارىسقان ەدى.