پرەزيدەنت CITIC Group-تىڭ قازاقستانداعى جوبالارىنا جوعارى باعا بەردى
استانا. KAZINFORM - مەملەكەت باسشىسى CITIC Group كومپانياسى ديرەكتورلار كەڭەسىنىڭ ءتوراعاسى سي گوحۋانى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋدە ەنەرگەتيكا، مۇناي-حيميا ونەركاسىبى، اۆتوجول قۇرىلىسى، مينەرالدى سەكتور، اۋىل شارۋاشىلىعى جانە باسقا دا نەگىزگى سالالارداعى سەرىكتەستىكتىڭ قازىرگى جاي-كۇيى مەن ونى نىعايتۋ پەرسپەكتيۆاسى تالقىلاندى.
قاسىم-جومارت توقايەۆ اقتاۋ بيتۋم زاۋىتىن جاڭعىرتۋ جوباسىن ءتيىمدى ىسكە اسىرعانى ءۇشىن CITIC Group كومپانياسىنا العىس ايتتى. ءوندىرىس ورنىنداعى جۇمىستار بيىل ءساۋىر ايىندا مەرزىمىنەن بۇرىن اياقتالدى. سونداي-اق پرەزيدەنت قازاقستاننىڭ سەنىمدى ينۆەستيتسيالىق سەرىكتەسى رەتىندە CITIC Group كومپانياسىنىڭ قىزمەتىنە جوعارى باعا بەردى. قازاقستان مەن قىتاي اراسىنداعى ىسكەرلىك بايلانىستى نىعايتۋ بويىنشا بەلسەندى جۇمىس جۇرگىزۋدىڭ ماڭىزىن اتاپ ءوتتى.
ال سي گوحۋا كورپوراتسيانىڭ مۇناي وڭدەۋ زاۋىتتارىن جاڭعىرتۋ، مۇناي قۇبىرلارىن تارتۋ، ورتالىق - باتىس اۆتوكولىك جولىن جوندەۋ، استىقتى تەرەڭ وڭدەۋ جوبالارىن بىرلەسىپ جۇزەگە اسىرۋعا نيەتتى ەكەنىن جەتكىزدى.
بۇعان دەيىن پرەزيدەنت ت م ۇ- عا مۇشە ەلدەردىڭ ورتالىق بانكتەرى وكىلدەرىنىڭ كەڭەسىنە قاتىسقانىن جازدىق.