پرەزيدەنت ءبىرقاتار مەملەكەتتىڭ ەلشىلەرىنەن سەنىم گراموتالارىن قابىلدادى
استانا. KAZINFORM - «اقوردا» رەزيدەنتسياسىندا ءتورت ەلدىڭ توتەنشە جانە وكىلەتتى ەلشىلەرىنىڭ مەملەكەت باسشىسىنا سەنىم گراموتالارىن تاپسىرۋ ءراسىمى ءوتتى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
سەنىم گراموتالارىن قاتار مەملەكەتىنىڭ ەلشىسى ابداللا بەن حۋسەين مۇحاممەد دجابەر، بوليۆار ۆەنەسۋەلا رەسپۋبليكاسىنىڭ ەلشىسى روسالبا لو بۋە انتيكو، كامبودجا كورولدىگىنىڭ ەلشىسى چەا سوك، بۋرۋندي رەسپۋبليكاسىنىڭ ەلشىسى جوزەف نكۋرۋنزيزا تاپسىردى.
قاسىم-جومارت توقايەۆ ەلشىلەردى قازاقستانداعى ديپلوماتيالىق ميسسيالارىنىڭ رەسمي باستالۋىمەن قۇتتىقتاپ، ولاردىڭ مەملەكەتتەرىنىڭ باسشىلارىنا ىزگى تىلەگى مەن سالەمىن جولدادى.
- ءبىز سالماقتى، سىندارلى، بەيبىت سىرتقى ساياسات جۇرگىزىپ وتىرمىز. جاقىن ارادا اتالعان مەملەكەتتەرمەن ءوزارا ىنتىماقتاستىقتى دامىتۋدا جاڭا جەتىستىكتەرگە قول جەتكىزە الامىز دەپ سەنەمىز. بارشاڭىزدى تاعى دا قۇتتىقتايمىن. سىزدەردىڭ قازاقستانداعى ماڭىزدى ميسسيالارىڭىزعا تابىس تىلەيمىن، - دەدى پرەزيدەنت.