استانا. KAZINFORM - مەملەكەت باسشىسى ب ا ءا- ءنىڭ قازاقستانداعى ەلشىسى مۇحاممەد سايد مۇحاممەد ءال-اريكيدى قابىلدادى. قاسىم-جومارت توقايەۆ استانادا وتكەن ش ى ۇ سامميتىنە بىرىككەن اراب امىرلىكتەرىنىڭ وكىلدى دەلەگاتسياسىنىڭ قاتىسقانى ءۇشىن العىس ايتتى.
مەملەكەت باسشىسى ەلىمىز ب ا ءا- مەن كوپجاقتى ىنتىماقتاستىقتى دامىتۋعا ەرەكشە ءمان بەرەتىنىن اتاپ ءوتتى.
كەزدەسۋدە بۇعان دەيىن جوعارى دەڭگەيدە قول جەتكىزىلگەن ساۋدا-ەكونوميكا جانە ينۆەستيتسيا سالالارىنداعى ۋاعدالاستىقتاردى جۇزەگە اسىرۋ بارىسى تالقىلاندى.
سونداي-اق قازاقستان مەن ب ا ءا اراسىنداعى ستراتەگيالىق ينۆەستيتسيالىق جوبالار تۋرالى بىرلەسكەن دەكلاراتسيا اياسىنداعى جۇمىستاردى جالعاستىرۋ قاجەت ەكەنىنە نازار اۋدارىلدى.
سونىمەن قاتار ەنەرگەتيكا جانە كولىك-لوگيستيكا، اقپاراتتىق تەحنولوگيالار مەن جاساندى ينتەللەكت سالالارىنداعى ىنتىماقتاستىق پەرسپەكتيۆالارى قاراستىرىلدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.