پرەزيدەنت بولگاريا باسشىسى رۋمەن راديەۆتى شىعارىپ سالدى
استانا. KAZINFORM - مەملەكەت باسشىسى بولگاريا پرەزيدەنتى رۋمەن راديەۆتى ەلوردا اۋەجايىنان شىعارىپ سالدى. بۇل تۋرالى اقوردا ءمالىم ەتتى.
بۇگىن مەملەكەت باسشىسى قاسىم-جومارت توقايەۆ اقوردادا ەلىمىزگە رەسمي ساپارمەن كەلگەن بولگاريا پرەزيدەنتى رۋمەن راديەۆتى قارسى العان بولاتىن.
بولگاريا مەن قازاقستان اراسىندا ىسكەرلىك كەڭەسى قۇرىلادى. بۇل تۋرالى اقوردادا ەلىمىزگە رەسمي ساپارمەن كەلگەن بولگاريا پرەزيدەنتى رۋمەن راديەۆپەن كەڭەيتىلگەن قۇرامداعى كەلىسسوز بارىسىندا مەملەكەت باسشىسى قاسىم-جومارت توقايەۆ ايتتى.
كەڭەيتىلگەن قۇرامداعى كەلىسسوز بارىسىندا رۋمەن راديەۆ بولگاريا قازاقستاندى ورتالىق ازياداعى باستى ءارى نەگىزگى سەرىكتەسى رەتىندە قاراستىراتىنىن ايتتى.
قازاقستان بولگاريانى ستراتەگيالىق ماڭىزى بار سەرىكتەس رەتىندە قابىلدايدى.
قازاقستان مەن بولگاريا پرەزيدەنتتەرىنىڭ كەڭەيتىلگەن قۇرامداعى كەلىسسوزىنەن كەيىن بىرنەشە قۇجاتقا قويىلدى.
اقوردادا مەملەكەت باسشىسى قاسىم-جومارت توقايەۆپەن كەلىسسوزدەردەن كەيىنگى بىرلەسكەن مالىمدەمە بارىسىندا بولگاريا پرەزيدەنتى رۋمەن راديەۆ قازاقستاننىڭ عارىش سالاسىنداعى جەتىستىكتەرىن كورىپ تاڭعالعانىن ايتتى.
قاسىم-جومارت توقايەۆ «قازاقستان-بولگاريا» بيزنەس-فورۋمىنا بەلسەنە قاتىسقانى ءۇشىن رۋمەن راديەۆكە جانە بولگار كاسىپكەرلەرىنە العىس ايتتى.