پرەزيدەنت باسەكەلەستىكتى قورعاۋ جانە دامىتۋ اگەنتتىگىنىڭ وكىلەتتىگىن كەڭەيتتى

استانا. قازاقپارات - 2025 -جىلعى 18-تامىزداعى قازاقستان رەسپۋبليكاسى پرەزيدەنتىنىڭ جارلىعىمەن باسەكەلەستىكتى قورعاۋ جانە دامىتۋ اگەنتتىگى تۋرالى ەرەجەگە وزگەرىستەر ەنگىزىلدى، دەپ حابارلايدى Kazinform ءتىلشىسى.

قىركۇيەك ايىنىڭ باسىنان باستاپ اگەنتتىككە جاڭا مىندەتتەر جۇكتەلمەك. ولاردىڭ قاتارىندا:

موبيليزاتسيالىق دايىندىق شارالارى،

اقپاراتتىق- كوممۋنيكاتسيالىق تەحنولوگيالار جانە اقپاراتتىق قاۋىپسىزدىك سالاسىنداعى تالاپتاردىڭ ساقتالۋىن باقىلاۋ،

مەملەكەتتىك قۇپيالاردى قورعاۋ،

مەملەكەتتىك قىزمەتتەر كورسەتۋگە قاتىستى قۇقىقتىق اكتىلەردى ازىرلەۋ.

ال 2026 -جىلعى 1- قاڭتاردان باستاپ اگەنتتىككە تاعى ەكى فۋنكتسيا بەرىلەدى:

سالىقتىق جەڭىلدىكتەردى كەلىسۋ،

كولەڭكەلى ەكونوميكاعا قارسى ءىس- قيمىل شارالارىنا قاتىسۋ.

جارلىق 2025 -جىلعى 1 -قىركۇيەكتەن باستاپ كۇشىنە ەنەدى، ال جەكەلەگەن نورمالار - 2026 -جىلعى 1 -قاڭتاردان باستاپ قولدانىسقا ەنگىزىلەدى.