پرەزيدەنت «اۋىل اماناتى» باعدارلاماسىنىڭ اقتوبە وبلىسىندا جۇزەگە اسىرىلۋ بارىسىمەن تانىستى
پرەزيدەنتكە اقتوبە وبلىسىندا «اۋىل اماناتى» باعدارلاماسىنىڭ ىسكە اسىرىلۋ بارىسى جونىندە باياندالدى.
اتالعان باستاما قولعا الىنعالى بەرى ءوڭىر بويىنشا 1471 جوباعا 6,6 ميلليارد تەڭگە كولەمىندە نەسيە بەرىلگەن. سونداي- اق بيىل قىركۇيەك ايىندا قوسىمشا 12,5 ميلليارد تەڭگە قارجى بولىنگەن، دەپ حابارلايدى Kazinform.
مەملەكەت باسشىسىنا باعدارلاما اياسىندا ايماقتاعى 209,8 گەكتار القاپقا كوكونىس جانە باقشا داقىلدارى ەگىلىپ، جالپى اۋماعى 1 گەكتاردان اساتىن 77 شاعىن جىلىجاي سالىنعانى تۋرالى ايتىلدى.
سونىمەن قاتار 101 كونديتەرلىك سەح پەن ناۋبايحانا، 129 شاعىن ءسۇت وڭدەۋ، 65 ەت وڭدەۋ جوباسى ىسكە قوسىلعان.
بۇدان بولەك، اقتوبە وبلىسىندا 1210 جاڭا جۇمىس ورنى اشىلىپ، 1062 ادام جەكە كاسىپكەر رەتىندە تىركەلگەن.
ءبىر عانا مارتوك اۋدانىنىڭ وزىندە اتالعان باعدارلاما شەڭبەرىندە ۇسىنىلعان 195 جوباعا 902,5 ميلليون تەڭگە نەسيە بەرىلگەن.
قاسىم- جومارت توقايەۆ «اۋىل اماناتى» باعدارلاماسى اياسىندا ىسكە اسىرىلعان جوبالارمەن جانە ايماقتاعى اۋىل شارۋاشىلىعى تاۋارىن وندىرۋشىلەردىڭ ونىمدەرىمەن تانىسقاننان كەيىن جەرگىلىكتى كاسىپكەرلەرمەن اڭگىمەلەستى.
پرەزيدەنت اۋىل تۇرعىندارىنىڭ تابىسىن ارتتىرۋ ءۇشىن «اۋىل اماناتى» باستاماسى قولعا الىنعانىن ايتتى.
قاسىم- جومارت توقايەۆ جوبانىڭ ءتيىمدى تۇستارىن اتاپ ءوتىپ، مەملەكەت شارۋالارعا، شاعىن جانە ورتا بيزنەسكە بارىنشا قولداۋ كورسەتەتىنىنە نازار اۋداردى.