پرەزيدەنت اقتاۋداعى كوتەرمە ساۋدا-تاراتۋ ورتالىعىن ارالاپ كوردى
اقتاۋ. KAZINFORM - قاسىم-جومارت توقايەۆ ماڭعىستاۋ وبلىسىنا بارعان جۇمىس ساپارى اياسىندا اقتاۋداعى كوتەرمە ساۋدا-تاراتۋ ورتالىعىن ارالاپ كوردى. بۇل تۋرالى اقوردا ءمالىم ەتتى.
- مەملەكەت باسشىسىنا ازىق-تۇلىك قاۋىپسىزدىگىن ساقتايتىن مۇنداي نىساننىڭ ايماقتا العاش رەت سالىنعانى جونىندە باياندالدى. اتالعان ورتالىق ءوڭىردى ازىق-تۇلىكپەن قامتاماسىز ەتۋ، تۇتىنۋشىلارمەن اراداعى دەلدالداردى ازايتۋ جانە ءونىم باعاسىن تومەندەتۋ ماقساتىندا بوي كوتەرگەن. اۋماعى 80 مىڭ شارشى مەتر بولاتىن كەشەندە 40 مىڭ توننا ءونىم ساقتاۋعا بولادى، - دەلىنگەن حابارلامادا.
جوبانى جۇزەگە اسىرۋعا 5 ميلليارد تەڭگە ينۆەستيتسيا تارتىلعان. جىل سوڭىنا دەيىن ورتالىقتىڭ ەكىنشى كەزەڭىن ىسكە قوسۋ جوسپارلانعان.
قازىرگى كەزدە ءونىم جەتكىزۋمەن اينالىساتىن وتاندىق ءىرى كاسىپكەرلەرمەن كەلىسىمشارت جاساۋ جۇمىستارى بەلسەندى تۇردە جۇرگىزىلىپ جاتىر.
بۇعان دەيىن حابارلانعانداي، مەملەكەت باسشىسى جۇمىس ساپارىمەن ماڭعىستاۋ وبلىسىنا باردى.