پرەزيدەنت الماسادام ساتقاليەۆتى قابىلدادى

استانا. KAZINFORM - مەملەكەت باسشىسى ەنەرگەتيكا ءمينيسترى الماسادام ساتقاليەۆتى قابىلدادى.

الماسادام ساتقاليەۆ ەلىمىزدىڭ وتىن-ەنەرگەتيكا كەشەنىنىڭ بيىلعى ءبىرىنشى جارتىجىلدىقتاعى دامۋى جونىندە ەسەپ بەردى.

وسى ۋاقىت ارالىعىندا 44,7 ميلليون توننا مۇناي وندىرىلگەن. مۇناي ونىمدەرىنىڭ ءوندىرىسى 6,78 ميلليون توننانى قۇراعان.

سونداي-اق 30,1 ميلليارد تەكشە مەتر گاز ءوندىرىلىپ، ەلەكتر قۋاتىن ءوندىرۋ كولەمى 60,4 ميلليارد كۆت/ساعاتقا جەتكەن.

مينيستر ۆەدومستۆونىڭ تۇتىنۋشىلاردى ەلەكتر قۋاتىمەن جانە جىلۋمەن تۇراقتى قامتاماسىز ەتۋگە باعىتتالعان ءىرى ينۆەستيتسيالىق جوبالاردى ىسكە اسىرۋ جوسپارى جونىندە مالىمەت بەردى جانە جاڭارتىلاتىن ەنەرگيا كوزدەرىن دامىتۋ شارالارى تۋرالى باياندادى.

كەزدەسۋ سوڭىندا مەملەكەت باسشىسى جىلىتۋ ماۋسىمىنا دايىندىق بويىنشا ءتيىستى جۇمىس جۇرگىزۋدى جانە ىشكى نارىقتى مۇناي ونىمدەرىمەن قامتاماسىز ەتۋدى تاپسىردى.

اۆتور

جانات قاپالبايەۆا