پرەزيدەنت العاشقى مەديتسينالىق كومەك قىزمەتىن ۇيلەستىرەتىن جاھاندىق كواليتسيا قۇرۋدى ۇسىندى
پرەزيدەنت قاسىم-جومارت توقايەۆ دۇنيەجۇزىلىك دەنساۋلىق ساقتاۋ ۇيىمىنا العاشقى مەديتسينالىق كومەك قىزمەتىن ۇيلەستىرەتىن جاھاندىق كوليتسيا قۇرۋدى ۇسىندى، دەپ حابارلايدى Kazinform اگەنتتىگى.
استاناداعى كونگرەسس ورتالىقتا العاشقى مەديتسينالىق-سانيتاريالىق كومەك جونىندەگى الماتى دەكلاراتسياسىنىڭ قابىلدانۋىنىڭ 45 جىلدىعىنا جانە استانا دەكلاراتسياسىنىڭ قابىلدانۋىنىڭ 5 جىلدىعىنا ارنالعان حالىقارالىق كونفەرەنسيا ءوتىپ جاتىر.
شارادا ءسوز العان مەملەكەت باسشىسى قاسىم-جومارت توقايەۆ كونفەرەنتسياعا قاتىسۋشى جاستاردان ناقتى ۇسىنىستار كۇتەتىنىن ايتتى.
«بۇگىنگى شارادا دۇنيەجۇزىلىك دەنساۋلىق ساقتاۋ ۇيىمى باسشىلىعىنىڭ قاتىسىپ وتىرعانىن پايدالانىپ، العاشقى مەديتسينالىق- سانيتاريالىق كومەكتى جاھاندىق ۇسىنۋ سالاسى ونىڭ قىزمەتىن ۇيلەستىرەتىن ارنايى قۇرىلىم قۇرۋدان ۇتاتىنىن ايتقىم كەلەدى. مەن د د س ۇ قولداۋىمەن العاشقى مەديتسينالىق- سانيتاريالىق كومەك جونىندەگى مەملەكەتتەر كواليتسياسىن قۇرۋدى ۇسىنامىن»، - دەدى مەملەكەت باسشىسى.
پرەزيدەنتتىڭ ايتۋىنشا، بۇل كواليتسيانىڭ نەگىزگى مىندەتى دەنسالۋلىق ساقتاۋ سالاسىنداعى الدىن الۋ پرينتسيپتەرىن ءارى قاراي ىلگەرىلەتۋ، سونداي-اق العاشقى مەديتسينالىق-سانيتاريالىق كومەكتى دامىتۋدىڭ بىرلەسكەن ۇسىنىمدارىن دايىنداۋ بولۋ كەرەك.
«مەن بۇگىن جاس دەلەگاتتاردىڭ العاشقى مەديتسينالىق-سانيتاريالىق كومەك ساياساتى مەن تاجىريبەسى تۋرالى قورىتىندى مالىمدەمەسىن اسىعا كۇتەمىن»، - دەدى قاسىم-جومارت توقايەۆ.