پرەزيدەنت 1-حرومتاۋ ورتا مەكتەبىن ارالاپ كوردى
اقتوبە. KAZINFORM - قاسىم-جومارت توقايەۆ مەكتەپتىڭ ءبىلىم بەرۋ ىسىندەگى ەرەكشەلىكتەرىمەن جانە وقۋشىلاردىڭ زەرتحانالىق جۇمىستارىمەن تانىستى، دەپ حابارلايدى اقوردانىڭ باسپا ءسوز قىزمەتى.
پرەزيدەنتكە بۇل وقۋ ورداسى «اقتوبە وبلىسىنىڭ شاعىن جيناقتى اۋىل مەكتەپتەرىنىڭ الەۋەتىن سيفرلىق تەحنولوگيالاردى قولدانا وتىرىپ دامىتۋ» پيلوتتىق جوباسىنا ەنگىزىلگەنى جونىندە اقپارات بەرىلدى.
قاناتقاقتى جوبا شاعىن جيناقتى مەكتەپتەردە سيفرلىق تەحنولوگيالاردى قولدانۋ ارقىلى ءبىلىم بەرۋدىڭ ساپاسى مەن وقىتۋدىڭ تيىمدىلىگىن ارتتىرۋعا باعىتتالعان. جوبا اياسىندا مۇعالىمدەر قاشىقتان تاجىريبە الماسادى.
مەملەكەت باسشىسى اتالعان ءبىلىم وشاعىنداعى جانە باسقا دا اۋىل مەكتەپتەرىندەگى وقۋشىلاردىڭ اشىق ساباعىنا ونلاين-رەجيمدە قاتىستى.
بۇدان كەيىن قاسىم-جومارت توقايەۆ شالعاي ەلدى-مەكەندەردە تۇراتىن بالالاردىڭ ءبىلىم الۋىنا قولايلى جاعداي جاساۋ ءۇشىن مەكتەپكە اۆتوبۋس سىيعا تارتتى.
وسىعان دەيىن قاسىم-جومارت توقايەۆتىڭ حرومتاۋ جوعارى تاۋ-كەن تەحنيكالىق كوللەدجىنە بارعانىن جازدىق.