استانا. KAZINFORM - گرۋزيا پرەزيدەنتى سالومە زۋرابيشۆيلي ەلدەگى پارلامەنت سايلاۋى قورىتىندىسىن مويىندامايتىنىن ايتىپ، وپپوزيتسيانى كوشەدە جاپپاي نارازىلىق ۇيىمداستىرۋعا شاقىردى. بۇل تۋرالى dw سايتى جازدى.
«ەلدەگى جالعىز تاۋەلسىز ينستيتۋت رەتىندە بۇل سايلاۋدى مويىندامايمىن. ونى مويىنداۋعا بولمايدى. ولاي ەتسەك، مۇندا رەسەيدىڭ كىرگەنىن، گرۋزيانىڭ رەسەيگە تاۋەلدىلىگىن مويىنداعانىمىز» دەدى گرۋزيا پرەزيدەنتى سالومە زۋرابيشۆيلي وپپوزيتسيا جيىنىندا. جاپپاي نارازىلىق شاراسىنىڭ باستالۋى 28-قازان كەشكە دەپ ايتىلۋدا.
ەسكە سالساق، گرۋزياداعى پارلامەنت سايلاۋىنىڭ سوڭعى ناتيجەسى بويىنشا پارلامەنتتەگى ورىنداردىڭ كوبىن «گرۋزيا ارمانى» پارتياسى جەڭىپ العان. الدىن الا ەكزيت- پولل ناتيجەسىنە قاراعاندا، «گرۋزين ارمانى - دەموكراتيالىق گرۋزيا» پارتياسى پارلامەنتتىك سايلاۋدا V,1 داۋىس جينادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан