پەريزات قايراتتىڭ سوتىندا ديماش قۇدايبەرگەننىڭ ەسىمى اتالدى

استانا. KAZINFORM - استانادا قايىرىمدىلىق قوردىڭ بۇرىنعى جەتەكشىسى، ۆولونتەر پەريزات قايرات پەن ونىڭ اناسى عايني الاشبايەۆاعا قاتىستى سوت وتىرىسىندا كۋاگەرلەردەن جاۋاپ الۋ پروتسەسى جالعاسىپ جاتىر.

قىلمىستىق ءىستىڭ كەزەكتى ەپيزودىمەن تانىستىرۋ بارىسىندا الەمگە ايگىلى ءانشى، وتانداسىمىز ديماش قۇدايبەرگەننىڭ ەسىمى ايتىلدى.

مەملەكەتتىك ايىپتاۋشى (پروكۋرور) ارمان كيزيكەننىڭ مالىمدەۋىنشە، كۇدىكتى پەريزات قايرات ديماش قۇدايبەرگەن قاتىسۋمەن وتەتىن فەستيۆالگە 10 ميلليون تەڭگە كولەمىندە قولداۋ ۇسىنعان.

- «سكيف ترەيد» ج ش س- ءنىڭ وكىلى ماكسيم ابدۋرازاكوۆتىڭ كۋا بولۋ جايتىنا سۇيەنسەك، ايىپتالۋشى ونى ەرەكشە قاجەتتىلىگى بار بالالاردى قولداۋعا ارنالعان فەستيۆالگە شاقىرىپ، قارجىلاي كومەك كورسەتۋدى ۇسىنعان. اڭگىمە 10 ميلليون تەڭگە جايىندا بولعان جانە ءىس- شارانىڭ حەدلاينەرى رەتىندە ديماش قۇدايبەرگەن بولاتىنى حابارلانعان، - دەپ وقىدى كەزەكتى ەپيزودتى ارمان كيزيكەن.

ەسكەرەتىن جايت، جابىرلەنۋشىنىڭ ءوزى سوتقا كەلە الماۋىنا بايلانىستى، ونىڭ كۋالىگى ايىپتاۋ تاراپىنىڭ باستاماسىمەن جاريالاندى.

بەلگىلى بولعانداي، تاسقىن كەزىندە نازاربايەۆ زياتكەرلىك مەكتەبىنىڭ قىزمەتكەرلەرى 2,9 ميلليون تەڭگە جولداعان.

ءىستى قاراۋ كەزىندە پەريزات قايرات جەتەكشىلىك ەتكەن قورعا قارجى اۋدارعان 47 ادام جابىرلەنۋشى دەپ تانىلدى.

بۇعان دەيىن كۇدىكتى پەريزات قايرات باسقارعان قايىرىمدىلىق قورىنا نازاربايەۆ مەكتەبىنىنىڭ اتا- انالارى شامامەن 1 ميلليون تەڭگە جيناپ بەرگەنى تۋرالى جازعان بولاتىنبىز.