پەريزات قايرات پەن اناسىنان قانشا قارجى مەن مۇلىك تاركىلەندى

استانا. KAZINFORM - ەلوردا سوتى «Biz birgemiz» قايىرىمدىلىق قورىنىڭ بۇرىنعى جەتەكشىسى پەريزات قايرات پەن ونىڭ اناسى عايني الاشبايەۆاعا ۇكىم شىعاردى.

سوت ۇكىمىمەن پەريزات قايرات پەن ونىڭ اناسى عايني الاشبايەۆادان مەملەكەتكە تاركىلەنگەن مۇلىك ءتىزىمى جانە قارجى كولەمى:

- «Vela Village» كوتتەدج قالاشىعىنداعى جەكە ءۇي؛

- «Akbulak Riviera» ،«Sensata Plaza» ،«Highvill Ishim Gold»، «كوك جايلاۋ» تۇرعىن ءۇي كەشەندەرىندەگى پاتەرلەر مەن اۆتوتۇراقتار؛

- «Mercedes-Benz S450» ،«Lexus LX 600». بۇل 2024-جىلعى كولىكتەر.

- «Rebel Flowers» ج ش س- ءنىڭ جارعىلىق كاپيتالىنداعى 0 ۇلەسى؛

- 97 ميلليون تەڭگەدەن استام قاراجات جانە 22 مىڭ ا ق ش دوللارى تاركىلەندى.

- پەريزات قايرات پەن عايني الاشبايەۆانىڭ ادامدارمەن الدىن الا ءسوز بايلاسۋ ارقىلى بىرنەشە رەت ءارى اسا ءىرى كولەمدە جاسالعان الاياقتىق، سونداي-اق قىلمىستىق جولمەن الىنعان قاراجاتتى زاڭداستىرۋ ارەكەتى جينالعان دالەلدەمەلەرمەن، جابىرلەنۋشىلەر مەن كۋاگەرلەردىڭ ايعاعىمەن، بانك قۇجاتتارى جانە زاتتاي تولىق دالەلدەندى، - دەدى استانا قالاسى قىلمىستىق ىستەر جونىندەگى اۋدانارالىق سوتىنىڭ سۋدياسى سابىرجان كارىموۆ.

سۋديانىڭ مالىمدەۋىنشە، الاياقتىقتىڭ ءتاسىل-قايىرىمدىلىق جاساۋ ماقساتىن سىلتاۋراتىپ، جالعان قور قۇرۋ ارقىلى جۇزەگە اسىرىلعان.

- بۇل ارەكەت قوعامدا قايىرىمدىلىق ۇعىمىنا سىزات ءتۇسىرىپ، ازاماتتار اراسىندا يگى ىستەرگە دەگەن كۇمان تۋعىزدى. ىستە جەڭىلدەتەتىن ءمان-جاي جوق. سوتتالۋشىلار قىلمىستى ەلدە توتەنشە جاعداي كەزەڭىندە جاساعانى ءىستى اۋىرلاتاتىن ءمان-جاي دەپ تانىلدى. كەلتىرىلگەن اسا ءىرى مولشەردەگى زالال وتەلمەگەن. وسى جايتتى ەسكەرە وتىرىپ، سوت باس بوستاندىعىنان ايىرۋ تۇرىندەگى جازانى ءادىل دەپ ەسەپتەيدى، - دەپ قورىتىندىلادى سۋديا.

ايتا كەتەيىك، سوت ۇكىمىمەن پەريزات قايرات 10 جىلعا، اناسى 7 جىلعا سوتتالدى.

سونداي-اق سوت ۇكىمىمەن پەريزات قايرات پەن اناسى عايني الاشبايەۆا جابىرلەنۋشىلەردىڭ شىعىنىن وتەۋگە مىندەتتەلدى.

اۆتور

داۋلەت ىزتىلەۋ