ريددەرلىكتەر ايۋدىڭ قالا اۋماعىنا كىرىپ، كوشەلەردە، تۇرعىن ۇيلەردىڭ اۋلالارىندا، ءتىپتى مەكتەپتەرگە جاقىن جەرلەردە جۇرگەندىگىن ايتىپ، دابىل قاعىپ جاتىر. ولار الەۋمەتتىك جەلىلەرگە ءتۇرلى ۆيدەولار دا جاريالاپ جاتىر.
ماسەلەن، مىنا ۆيدەودا قونجىعىن ەرتكەن ايۋدىڭ جەر ءۇي اۋلاسىندا جۇرگەنى بايقالادى.
- ءبىزدى بالالارىمىزدىڭ قاۋىپسىزدىگى الاڭداتادى. قۇزىرلى ورگاندار ءتيىستى شارالار قابىلداسا دەيمىز! - دەيدى قالا تۇرعىندارى.
ش ق و تابيعي رەسۋرستار جانە تابيعات پايدالانۋدى رەتتەۋ باسقارماسى ورمان جانە اڭشىلىق شارۋاشىلىعى جەدەل ارەكەت ەتۋ جاساعىنىڭ مالىمەتىنە سۇيەنسەك، قازىرگى ۋاقىتتا ماماندار ريددەرگە كەلىپ جەتكەن.
- ينسپەكتورلار ءتيىستى جۇمىستاردى قولعا الدى. ولار ايۋلاردىڭ قوزعالىسىن باقىلاپ، ۇركىتىپ، قالا اۋماعىنان شىعارۋ شارالارىن جۇرگىزەدى، - دەلىنگەن اقپاراتتا.