رينات زايىت ۆيتسە-پرەمەردەن مادەنيەت سالاسىنداعى «قارا ءتىزىم» ماسەلەسىن شەشۋگە كومەك سۇرادى

استانا. KAZINFORM - ءماجىلىستىڭ جالپى وتىرىسىندا دەپۋتات رينات زايىت پرەمەر-ءمينيستردىڭ ورىنباسارى ەرمەك كوشەربايەۆتان مادەنيەت سالاسىنداعى «قارا ءتىزىم» ماسەلەسىن شەشۋگە كومەك سۇرادى.

رينات زايىت ساۋالىن انيماتسيا سالاسىنداعى پروبلەمادان باستاعان.

- قازاقستانداعى فاكتىگە كەلسەك، «قازاقفيلم مەن قازاق انيماتسياسى بىرلەستىگى 5 -جىلدا 1,4 ميلليارد تەڭگەگە 47 انيماتسيالىق فيلم جاسادى دەگەن ەسەپ بار. مۇنداي قارجىلاندىرۋدان كەيىن نەگە سەرپىلىس بولعان فيلمنىڭ تورتەۋى عانا تەلەارنالاردان كورسەتىلدى. قالعانى ەفيرگە دە، ەكرانعا دا، ەشقايدا شىققان جوق. Kazakh Animation دەيتىن 475 وقىرمانى بار ارناسى بار. سوعان 12 مۋلتفيلم قويىلعان. ەڭ كوپ قارالىم جيناعان بىرەۋى عانا - 44 مىڭ. بۇل ەندى قيىن جاعداي عوي. قازىرگى ماركەتينگتىڭ، سيفرلاندىرۋدىڭ زامانىندا ءبىز نەگە ارتتا قالىپ قالىپ جاتىرمىز؟ اقشا بار، اۋديتوريا تۇسىرگەن ونىمدەر نەگە جەتپەيدى؟ انيماتسياعا بولىنگەن اقشا نەگە ىلگەرىلەۋگە جول اشپاي وتىر، - دەدى ول.

سونداي-اق، دەپۋتات مادەنيەت الاسىندا «قارا ءتىزىم» دەگەن جاعىمسىز تەندەنتسيا قايتادان بەلەڭ الىپ كەلە جاتقانىن مالىمدەدى.

- ەرمەك بەدەلباي ۇلى، ءبىزدىڭ قوعامدا «قارا ءتىزىم» دەگەن بالە بار. مەن ءوزىم دە بىرنەشە رەت بولعانمىن وندا. قازىر دە سونىڭ اڭگىمەسى شىعىپ جاتىر. وسى «قارا ءتىزىم» بويىنشا كومەكتەسۋگە قالاي قارايسىز، - دەدى رينات زايىت.

مادەنيەت جانە اقپارات ءمينيسترى ايدا بالايەۆا انيماتسيا سالاسىنداعى ماسەلەلەردىڭ ورىندى كوتەرىلىپ وتىرعانىن ايتتى.

- ءبىز بۇل ماسەلەمەن ەكى جىلدان بەرى اينالىسىپ كەلەمىز. شىنىن ايتۋ كەرەك، ءبىرىنشى كەزەكتە ءونىم جوق بولدى. ەكىنشىدەن، ءسىز ايتقان 47 ءونىمدى بۇقارا حالىققا كورسەتۋ ءۇشىن قۇقىقتىق نەگىز جوق بولدى. حالىقارالىق شارت بويىنشا ونداي ونىمدەر ءار ءتۇرلى دەڭگەيدەگى حالىقارالىق فەستيۆالدىڭ شەڭبەرىندە بايقاۋلاردان ءوتۋى كەرەك. سوندىقتان بۇل جۇمىس ىستەلىپ جاتىر. سونىڭ ىشىندە 47 ءونىمنىڭ جارتىسى حالىقارالىق بايقاۋدان ءوتتى. باسقالارى فەستيۆالدەرگە قاتىستىرىلىپ جاتىر. ءوزىڭىز ايتىپ وتىرعان بۇل ماسەلەدە ارنايى ماركەتينگ، ستريمينگ جۇيەلەردە تاراتۋ جۇيەسى بولعان جوق. ونى ءبىز 2024 -جىلدان باستاپ قولعا الدىق. قازىر جاڭا انيماتسيالىق ونىمدەردىڭ 25  ءى «قازاقستان» ۇلتتىق ارناسىندا، 69 ى «حابار» تەلەارناسىندا ورناتىلدى، - دەدى ول.

ال ەرمەك كوشەربايەۆ «قارا ءتىزىم» ماسەلەسىن اينالىپ ءوتىپ جاۋاپ بەردى.

- بۇل وتە ماڭىزدى سۇراق. سەبەبى ۇلتتىق يدەولوگيامىزعا جاتادى. كەلەر ۇرپاق قاي تىلدە سويلەيدى، قاي ۇلتتىڭ مۇشەلەرى بولادى، وتە ماڭىزدى. ايتىلعان سىن وتە ورىندى. ءيا، وسىنداي اقشامەن بۇل سالا دامۋى كەرەك ەدى. سوڭعى كەزدە كينەماتوگرافيا، انيماتسيا سالالارىندا ءبىرتالاي وزگەرىس ەنگىزىلىپ جاتىر. بۇل جەردە تاعى كاسىپتىك ماسەلەلەر وتە ماڭىزدى. جاقىن ارادا بۇل ماسەلەنى قوزعالتامىز دەپ ويلاپ وتىرمىن، - دەدى ۆيتسە- پرەمەر.