رينات زايتوۆ سپورت مينيسترىنەن فۋتبولدان ۇلتتىق قۇراما باپكەرىن اۋىستىرۋدى سۇرادى
استانا. KAZINFORM - ءماجىلىستىڭ الەۋمەتتىك-مادەني دامۋ كوميتەتىنىڭ وتىرىسىندا قازاقستان فۋتبول قۇراماسىنىڭ باس باپكەرى ماگومەد ادييەۆتى ورنىنان الۋ تۋرالى ۇسىنىس ايتىلدى.
دەپۋتاتتار الدىندا ەلدەگى سپورت پەن ءتۋرزيمنىڭ دامۋ بارىسى تۋرالى ەسەپ بەرگەن تۋريزم جانە سپورت ءمينيسترى ەرمەك مارجىقپايەۆقا فۋتبولدىڭ توڭىرەگىندە سۇراق كوپ قويىلىپ جاتىر.
«فۋتبول جانكۇيەرى رەتىندە ءوتىنىشىم بار. ۇلتتىق قۇراماداعى باس باپكەرىمىزگە كوز تيگەن بە، بىردەڭە. «احمات» ويناسا دا جەتى گول كىرگىزەدى، بىزدە ويناسا دا بەس گول كىرگىزەدى. وسى كىسىنىڭ بىلىكتىلىگى جايلى ماسەلە كوتەرىپ، اۋىستىرۋ كەرەك سياقتى»، - دەدى رينات زايتوۆ.
ويىندارعا بيلەتتەر ساتىلا باستادى. بۇكىل ەل بويىنشا جارنامالىق ناۋقاننىڭ «ەكىنشى تولقىنى» باستالدى.
مينيستر دەپۋتاتتىڭ وسى جانە وزگە دە ساۋالدارىنا جازباشا جاۋاپ بەرەتىنىن ايتتى.
اۆتور
ەسىمجان ناقتىباي