ەرەيمەنتاۋ اۋدانىندا پوليتسيا قىزمەتكەرلەرى قىلمىستى اشقاننىڭ ورنىنا، جاسىرىپ كەلگەن

استانا. KAZINFORM - ەرەيمەنتاۋ اۋدانىنىڭ پروكۋراتۋراسى پوليتسيا قىزمەتكەرلەرى قىلمىستى اشقاننىڭ ورنىنا، كەرىسىنشە تىركەمەي، ونى جاسىرعانىن انىقتادى. بۇل تۋرالى اقمولا وبلىسى پروكۋراتۋراسى ءمالىم ەتتى.

اتاپ ايتقاندا، جەكە كاسىپكەردىڭ دۇكەنىنەن تاۋارلى-ماتەريالدىق قۇندىلىقتاردى ۇرلاۋ فاكتىسى بويىنشا پوليتسياعا حابارلاسىپ، ارىز تۇسىرگەن، الايدا پوليتسيا قىزمەتكەرلەرى بۇل قىلمىستى ۇزاق ۋاقىت بويى تىركەۋدەن جاسىرىپ، ونى اشۋعا ەشقانداي شارا قولدانباعان، - دەلىنگەن حابارلامادا.

اۋدان پروكۋراتۋراسى قىلمىستىق ءىستى تىركەپ، سوتقا دەيىنگى تەرگەپ-تەكسەرۋدى جۇرگىزۋ جونىندە پوليتسياعا تاپسىرما بەردى.

ناتيجەسىندە كۇدىكتى تۇلعالار ۇستالىپ، ءىس سوتقا جولداندى.

پوليتسيا ءبولىمىنىڭ كىنالى قىزمەتكەرلەرى تارتىپتىك جاۋاپكەرشىلىككە تارتىلدى.

اۆتور

باقىتگۇل اباي قىزى