ريم پاپاسى گازا سەكتورىندا اتىستى توقتاتۋعا شاقىردى
12:26, 30 - قازان 2023
ريم پاپاسى فرانسيسك گازا سەكتورىنداعى اتىستى توقتاتۋعا شاقىردى، دەپ حابارلايدى Kazinform اگەنتتىگى DW جاڭالىقتارىنا سىلتەمە جاساپ.
- اتىستى توقتاتىڭدار، سوعىس ءارقاشان جەڭىلىس اكەلەدى، - دەدى پونتيفيك جەكسەنبى، 29-قازاندا ۆاتيكانداعى اۋليە پەتر الاڭىندا ءداستۇرلى جەكسەنبىلىك ۋاعىزى كەزىندە.
فرانسيسك گۋمانيتارلىق كومەك جەتكىزۋگە جول اشۋ قاجەتتىگىن اتاپ ءوتتى.
سونداي- اق ول ەۋروپالىق وداق، ا ق ش جانە يزرايلدە لاڭكەستىك ۇيىم دەپ تانىلعان حاماس راديكالدى يسلام قوزعالىسىنىڭ سودىرلارىنان كەپىلگە الىنعانداردى تەز ارادا بوساتۋدى تالاپ ەتتى.