ريم پاپاسى ا ق ش سايلاۋىنداعى ەكى كانديداتتى دا جاراتپاي تاستادى

استانا. KAZINFORM – ا ق ش پرەزيدەنتتىگىنە ۇمىتكەرلەردىڭ ەكەۋى دە - دونالد ترامپ پەن كامالا حارريس «ومىرگە قارسى شىعۋشىلار».

بۇل تۋرالى ريم پاپاسى فرانسيسك وڭتۇستىك-شىعىس ازيا مەن وكەانيا ەلدەرىنە اپوستولدىق ساپارىن اياقتاپ، سينگاپۋردان كەلە جاتقان ۇشاق بورتىندا وتكەن باسپا ءسوز ءماسليحاتىندا مالىمدەدى، دەپ حابارلايدى ت ا س س اقپارات اگەنتتىگى.

- ەكەۋى دە ومىرگە قارسى: ءبىرى ميگرانتتاردى قۋىپ جىبەرسە، ەكىنشىسى بالالاردى ولتىرۋدە، - دەدى پونتيفيك ا ق ش- تاعى سايلاۋ تۋرالى سۇراققا جاۋاپ بەرىپ.

ANSA اگەنتتىگىنىڭ حابارلاۋىنشا، جۋرناليستەر 87 جاستاعى پونتيفيكتەن «ءبىرى تۇسىك جاساتۋدى جاقتايتىن، ەكىنشىسى ميگرانتتاردى دەپورتاتسيالايتىن كانديداتتاردى تاڭداۋ كەزىندە كاتوليك سايلاۋشىلارعا قانداي كەڭەس بەرەسىز؟» دەپ سۇراعان.

- ميگرانتتاردى ەلدەن قۋىپ جىبەرۋ، ولاردىڭ دۇرىس ءومىر سۇرۋىنە مۇمكىندىك بەرمەۋ، دامىتپاۋ - جامان نارسە، زۇلىمدىق. بالانى اناسىنىڭ قۇرساعىنان شىعارۋ - كىسى ءولتىرۋ. مۇندا انىقتىق قاجەت. قازىرگى ساياساتتا داۋىس بەرمەي قالىس قالۋ دۇرىس ەمەس دەيدى، ال ەگەر داۋىس بەرسەڭ، «ز ۇلىمدىعى بارىنشا ازىن» تاڭداۋ كەرەك: قايسى بولسا دا (دونالد ترامپ نەمەسە كامالا حارريس) - اركىم ءوز ار-وجدانىنا قاراي تاڭداعانى ءجون، - دەپ كەڭەس بەردى ريم كاتوليك شىركەۋىنىڭ باسشىسى.

فرانسيسك بۇعان دەيىن ترامپتى ميگرانتتارعا قاتىستى ساياساتى ءۇشىن جاناما ايىپتاپ، «قابىرعا تۇرعىزعاندى جاقسى حريستيان دەپ ساناۋعا بولمايتىنىن» ايتقان.

پاپانىڭ ا ق ش- تىڭ بۇرىنعى پرەزيدەنتىمەن وزگە دە كەلىسپەۋشىلىكتەرى بولعانى بەلگىلى. مىسالى، ترامپتىڭ كليمات بويىنشا پاريج كەلىسىمىنەن شىعۋ شەشىمى اياسىندا كليماتتىڭ وزگەرۋى ماسەلەسى.

قازىرگى پرەزيدەنت دجو بايدەن - كاتوليك ءدىنىن ۇستانۋشى، ءبىراق تۇسىك جاساتۋ قۇقىعىن قولدايدى. ترامپ جانە ونى قولداۋشى كونسەرۆاتيۆتى كاتوليكتەر تۇسىك جاساتۋعا قارسى.

ۆيتسە-پرەزيدەنت كامالا حارريس پەن بۇرىنعى پرەزيدەنت دونالد ترامپ فيلادەلفياداعى (پەنسيلۆانيا) ۇلتتىق

اۆتور

زارينا تۋعانبايەۆا