ەريەۆاندا 3-ەۋرازيالىق ەكونوميكالىق فورۋم باستالدى

استانا. KAZINFORM - فورۋم ە ا ە و- عا مۇشە مەملەكەتتەر مەن باقىلاۋشى مەملەكەتتەردىڭ ۇكىمەت باسشىلارىنىڭ قاتىسۋىمەن وتەتىن ەۋرازيالىق ۇكىمەتارالىق كەڭەستىڭ وتىرىسىنا، سونداي-اق ەۋرازيالىق ەكونوميكالىق وداق تۋرالى شارتقا قول قويىلعانىنا 10 جىل تولۋىنا وراي ۇيىمداستىرىلدى. فورۋمنىڭ باستى تاقىرىبى - «ە ا ە و- قا 10 جىل، كەلەشەگى مەن باسىمدىقتارى».

فورۋمعا قاتىسۋشىلار ە ا ە و- عا مۇشە مەملەكەتتەردىڭ ەكونوميكالىق ىنتىماقتاستىعىنىڭ وزەكتى باعىتتارىن، جان-جاقتى كووپەراتسيا مەن تەحنولوگيالىق ىنتىماقتاستىقتى، سيفرلاندىرۋدى، كولىك ينفراقۇرىلىمى مەن لوگيستيكانى دامىتۋدى، ىشكى نارىقتىڭ ساپاسى مەن كاسىپكەرلىكتى قولداۋدى، سونداي-اق حالىقارالىق ىنتىماقتاستىقتى جانە جالپى ە ا ە و- نىڭ ستراتەگيالىق دامۋىن تالقىلايدى.

فورۋم بارىسىندا جوسپارلانعان ءىس-شارالار اياسىندا قاتىسۋشىلار ءبىرقاتار وزەكتى ماسەلەلەردى قوزعايدى: ىشكى نارىقتىڭ ساپاسى، لوگيستيكا مەن ينفراقۇرىلىمدى دامىتۋ، مونوپولياعا قارسى رەتتەۋ، ەلەكتروندىق ساۋدا، سيفرلاندىرۋ، ونەركاسىپتىك كووپەراتسيا، تۋريزم جانە باسقالار.

فورۋم اياسىندا ە ا ە و - يران ءىس-شارالارىنىڭ سەرياسى وتەدى، وعان يراننىڭ كاسىپكەرلىك قوعامداستىعى، مەملەكەتتىك سەكتورى، ونەركاسىپتىك سەكتور كومپانيالارى، كولىك جانە لوگيستيكا وكىلدەرى قاتىسادى.

بۇدان باسقا، ە ا ە و- يران بيزنەس- ديالوگى، ە ا ە و مەن يران اراسىنداعى ساۋدا مەن ينۆەستيتسيالارعا جاردەمدەسۋ قۇرالدارى بويىنشا دوڭگەلەك ۇستەل، ە ا ە و جانە يران ەلدەرىنىڭ ونەركاسىپ سەكتورى، كولىك جانە لوگيستيكا كومپانيالارى ءۇشىن دوڭگەلەك ۇستەل، اگرارلىق سەكتور كومپانيالارى ءۇشىن ءىس- شارا جوسپارلانعان.

اۆتور

ەركەجان سماعۇلوۆا