بۇل شيكى مۇناي مەن مۇناي ونىمدەرىن تاسىمالداۋدى ەداۋىر قيىنداتىپ وتىر، دەپ حابارلايدى Kazinform اگەنتتىگى.
بۇل تۋرالى و پ ە ك- كە مۇشە جانە مۇشە ەمەس ەلدەر مينيسترلەرىنىڭ كەزدەسۋىندە بەلگىلى بولدى. ساۋد ارابياسىندا وتكەن حالىقارالىق ەنەرگەتيكالىق فورۋم مەن دۇنيەجۇزىلىك مۇناي كونگرەسى اياسىندا مينيسترلەر ەنەرگيا جەتكىزۋدەگى ۇزىلىستەر الەمدىك ەكونوميكاداعى ينفلياتسيالىق قىسىمدى ودان ءارى كۇشەيتىپ وتىرعانىن مالىمدەدى.
مۇنداي جوعارى شىعىندار مۇناي ءوندىرۋشى ەلدەر مەن تۇتىنۋشىلارعا تۇسەتىن قارجىلىق سالماقتى ارتتىرىپ، شىعىنداردىڭ كوبەيۋىنە اكەلەدى. بۇل مۇناي وندىرۋدەن باستاپ تۇتىنۋشىعا جەتكىزۋگە دەيىنگى بۇكىل تىزبەكتەگى شىعىنداردى كوبەيتىپ، الەمدىك ەكونوميكالىق وسىمگە كەرى اسەر ەتەدى.
وسىعان بايلانىستى مينيسترلەر الەمدىك تەڭىز تاسىمالىن جاقسارتۋ ءۇشىن قالىپتاسقان جاعدايدى باقىلاۋدى جالعاستىرىپ، ۇكىمەتتەرمەن، سالا وكىلدەرىمەن جانە حالىقارالىق ۇيىمدارمەن بىرلەسىپ جۇمىس ىستەيتىنىن ايتتى.
سونداي-اق ولار مۇناي نارىعىنداعى تۇراقتىلىققا قول جەتكىزۋ جانە ونى ساقتاۋ ماقساتىندا 2026-جىلعى 7-ماۋسىمدا قابىلدانعان شەشىمدەردى قولدايتىنىن راستادى.
ەسكە سالا كەتەيىك، بۇعان دەيىن وپەك ەلدەرى قاراشادا مۇناي ءوندىرىسىنىڭ قازىرگى دەڭگەيىن ساقتاۋعا كەلىسكەن بولاتىن.