ۇرىپ، ەسىنەن تاندىرعان: Tesla قىزمەتكەرى روبوتتى سوتقا بەردى
07:45, 01 - قازان 2025
ا ق ش-تاعى Tesla زاۋىتىندا توتەنشە جاعداي بولدى. زاۋىت جۇمىسشىسى كومپانيادان 51 ميلليون دوللار وتەماقى تالاپ ەتىپ وتىر. ونىڭ ايتۋىنشا، وندىرىستە قولدانىلاتىن جاساندى ينتەللەكت نەگىزىندەگى روبوت كەنەتتەن ىستەن شىعىپ، ءوزىنىڭ الىپ قولىمەن ونى جەرگە قۇلاتىپ، ەسىنەن تاندىرعان، دەپ حابارلايدى independent.co.uk.
جاراقات سالدارىنان ەر ادام ءبىر ميلليون دوللاردان استام قاراجاتىن ەمگە جۇمساعانىن ايتادى. ءبىر قىزىعى Tesla ازىرگە زاۋىتتاعى بەينەباقىلاۋ كامەرالارىنىڭ جازباسىن جاريالاماي وتىر.
زارداپ شەگۋشىنىڭ ادۆوكاتتارى بۇل ارەكەتتى كومپانيا تاراپىنان اقپاراتتى جاسىرىن ۇستاۋ دەپ باعالاپ، ءىستى سوتقا جەتكىزۋگە دايىن ەكەنىن مالىمدەدى.