وبلىس اكىمدىگىندە «اباي وبلىسىنىڭ قۇرمەتتى ازاماتى» اتاعىن تابىستاۋ ءراسىمى ءوتتى. وسى اتاققا لايىق دەپ تانىلعانداردىڭ ىشىندە ءانشى روزا رىمبايەۆا دا بار.
- ءوڭىردىڭ ەڭ جوعارى ناگراداسىن وسىمەن ەكىنشى مارتە تابىستاپ جاتىرمىز. بۇل - ەلگە ادال قىزمەت ەتىپ، قۇرمەتكە بولەنگەن، حالىقتىڭ العىسى مەن باتاسىن العان جەرلەستەرىمىزگە ارنالعان مارتەبەلى اتاق. ماراپات يەلەرىنىڭ ءارقايسىسى، وڭىرگە، ەلگە تانىمال، - دەدى اباي وبلىس اكىمىنىڭ اكىمى نۇرلان ۇرانحايەۆ.
«اباي وبلىسىنىڭ قۇرمەتتى ازاماتى» اتاعىن العاندار:
- قازاقستاننىڭ ەڭبەك ەرى، ق ر ەڭبەك سىڭىرگەن ءارتيسى روزا رىمبايەۆا؛
- ق ر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ؛
- فيلولوگيا عىلىمدارىنىڭ دوكتورى، پروفەسسور، ق ر ەڭبەك سىڭىرگەن قايراتكەرى اراپ ەسپەنبەتوۆ؛
- «Samruk-Kazyna Construction» ا ق ديرەكتورلار كەڭەسىنىڭ مۇشەسى الەكساندر ميليۋتين؛
- «زايتەنوۆ» شارۋا قوجالىعىنىڭ باسشىسى ەرلان زايتەنوۆكە بەرىلدى.
«اباي وبلىسىنىڭ قۇرمەتتى ازاماتى» مەدالىندەگى ايرىقشا بەلگىنىڭ ءوز ماعىناسى بار. ونداعى اق ءتۇس تازالىقتى، ادىلدىكتى جانە شەكسىزدىكتى كورسەتەدى.
- كوك - بەيبىتشىلىكتىڭ، تىنىشتىق پەن جاقسىلىقتىڭ سيمۆولى. التىن ءتۇس بايلىق پەن ۇلىلىقتى بىلدىرەدى. بەلگىنىڭ ورتاسىندا جەتى قىرىمەن قورشالعان اباي وبلىسىنىڭ كونتۋرى بەينەلەنگەن، ولاردىڭ ءارقايسىسى ونىڭ دامۋىنىڭ نەگىزگى باعىتتارىن: مادەنيەت، ونەر، ءبىلىم، عىلىم، ءوندىرىس، يننوۆاتسيا جانە باسقا دا سالالاردى بەينەلەيدى، - دەپ حابارلادى ءوڭىر اكىمدىگىنەن.
ەسكە سالساق، وسىعان دەيىن اباي وبلىسىندا اقىن شاكارىم قۇدايبەردى ۇلىنا ەسكەرتكىش قويىلعانى حابارلانعان.
تالعاتجان مۇحامەتبەك ۇلى