چەرنوگوريا پرەزيدەنتى قازاقستان رەسپۋبليكاسىنىڭ ۇلتتىق مۋزەيىندە بولدى

ەكسكۋرسيا بارىسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى - مادەنيەت جانە اقپارات ءمينيسترى ايدا بالايەۆا قوناقتارعا مۋزەيدى تانىستىردى.

مارتەبەلى مەيماندارعا ۇلتتىق مۋزەي ەكسپوزيتسيالارى كورسەتىلدى. ولاردىڭ قاتارىندا تۇركى حالىقتارىنىڭ ماتەريالدىق جانە رۋحاني مۇراسىن تانىتاتىن ۇلى دالا تاس مۇسىندەرى زالى، بىرەگەي ارحەولوگيالىق جادىگەرلەر ساقتالعان التىن زالى جانە ەسىك قورعانىنان تابىلعان الەمگە ايگىلى «التىن ادام» ەكسپوزيتسياسى بار.

سونداي-اق قوناقتارعا ەجەلگى كوشپەلىلەردىڭ دۇنيەتانىمى مەن جەرلەۋ داستۇرلەرىنەن سىر شەرتەتىن كورنەكتى جەرلەۋ كەشەندەرىنىڭ رەكونسترۋكتسيالارى تانىستىرىلدى. سولاردىڭ ءبىرى - سالتاناتتى ابزەلدەرمەن بەزەندىرىلگەن جىلقىلارىمەن ەرەكشەلەنەتىن بەرەل قورعانى.

ەكسكۋرسيا سوڭىندا ياكوۆ ميلاتوۆيچ مۋزەيدىڭ قۇرمەتتى قوناقتار كىتابىنا ەستەلىك جازبا قالدىردى.