ەۋرووداق قىتايدان اكەلىنەتىن كولىككە سالىقتى كوبەيتتى

استانا. KAZINFORM - ەۋرو وداققا قىتايدان جەتكىزىلەتىن ەلەكتروموبيلدەر (BEV) يمپورتتاۋ تاريفتەرى %35,3 عا جەتكەن. وسىعان وراي ەۋرووداق قوسىمشا باج سالىعىن ەنگىزدى، دەپ حابارلايدى Kazinform ءتىلشىسى.

«تەرگەۋ كورسەتكەندەي، قىتايداعى BEV قۇنىن قۇرۋ تىزبەگى ە و-داعى BEV وندىرۋشىلەرىنە ەكونوميكالىق زيان كەلتىرۋ قاۋپىن توندىرەتىن ادىلەتتى ەمەس سۋبسيديدان پايدا كورىپ وتىر»، - دەلىنگەن ە ك كومميۋنيكەسىندە.

قۇجاتتا ەۋروكوميسسيانىڭ سۋبسيدياعا قارسى اياقتالعان تەرگەۋىنىڭ قورىتىندىسى نەگىزىندە قىتايلىق ەكسپورتتاۋشىلارعا كەلەسى وتەماقى باجدارىن ەنگىزۋ تۋرالى شەشىم قابىلدانعانى حابارلانادى: BYD - 17,0% ،Geely - 18,8% ،SAIC - 35,3%.

«باسقا سەرىكتەس كومپانيالارعا 20,7 پايىز كولەمىندە باج سالىعى سالىنادى. Tesla كومپانياسىن جەكە تەكسەرۋ تۋرالى دايەكتى ءوتىنىش بولعان جاعدايدا، %7,8 كولەمىندە باج تاعايىندالادى. كوميسسيا سونداي-اق ە و جانە د س ۇ ەرەجەلەرىنە سايكەس رۇقسات ەتىلگەندەي جەكە ەكسپورتتاۋشىلارمەن باعا مىندەتتەمەلەرى بويىنشا كەلىسسوزدەردى اشىق جۇرگىزبەك»، - دەپ ءتۇسىندىردى رەسمي بريۋسسەل.

سونداي-اق ەۋروكوميسسيا بولاشاقتا «قولدانىستاعى شارالاردىڭ تيىمدىلىگىن، سونىڭ ىشىندە ولاردى اينالىپ وتپەۋىن قامتاماسىز ەتۋدى باقىلايتىنى» حابارلانعان.

اۆتور
زارينا تۋعانبايەۆا