ەۋرووداق پەن پارسى شىعاناعىنداعى التى اراب مەملەكەتى گازادا اتىستى توقتاتۋعا شاقىردى

استانا. KAZINFORM - سارسەنبى كۇنى بريۋسسەلدە ە و - پ ش ا م ى ك (بىرىككەن اراب امىرلىكتەرى، باحرەين كورولدىگى، ساۋد ارابياسى كورولدىگى، ومان سۇلتاندىعى، كاتار مەملەكەتى جانە كۋۆەيت مەملەكەتى) ءبىرىنشى سامميتى اياقتالدى.

كەزدەسۋ پارسى شىعاناعىنداعى اراب مەملەكەتتەرى ىنتىماقتاستىعى كەڭەسىنىڭ كەزەكتى پرەزيدەنتى رەتىندە ءبىرىن ءبىرى اۋىستىراتىن ەۋروپالىق كەڭەس ءتوراعاسى شارل ميشەل مەن كاتار ءامىرى شەيح تاميم بەن حاماد ءال تانيدىڭ تەڭ توراعالىعىمەن ءوتتى.

ەۋروپالىق وداقتا اتاپ وتكەندەي، سامميت ە و ءۇشىن پارسى شىعاناعىنداعى اراب مەملەكەتتەرى ىنتىماقتاستىعى كەڭەسى (پ ش ا م ى ك) جانە وعان مۇشە مەملەكەتتەر، سونداي-اق ە و-نىڭ گەوستراتەگيالىق سەرىكتەستەرى (بىرىككەن اراب امىرلىكتەرى، باحرەين كورولدىگى، ساۋد ارابياسى كورولدىگى، ومان سۇلتاندىعى، كاتار مەملەكەتى جانە كۋۆەيت مەملەكەتى) تىعىز سەرىكتەستىك ورناتۋ مۇمكىندىگىن ۇسىندى.

تالقىلاۋدىڭ نەگىزگى تاقىرىپتارى - ورتاق نەگىزگى جاھاندىق سىن-قاتەرلەر ەكونوميكالىق ىنتىماقتاستىق، ونىڭ ىشىندە ساۋدا مەن ينۆەستيتسيا، تۇراقتى ەنەرگەتيكانى دامىتۋ جانە كليماتتىق بايلانىستار جانە ادامدار اراسىنداعى بايلانىس بويىنشا ودان ءارى ىنتىماقتاستىقتىڭ جولدارى.

سامميتكە قاتىسۋشىلار سونىمەن قاتار قورىتىندى مالىمدەمە قابىلداپ، وندا ەكى تاراپ گازادا دا، ليۆاندا دا اتىستى توقتاتۋ، سونداي-اق حالىقارالىق قۇقىق نورمالارى مەن حالىقارالىق گۋمانيتارلىق قۇقىقتى ساقتاۋ قاجەتتىگىن اتاپ ءوتتى.

ە و مەن اراب ەلدەرى سونداي-اق پالەستينا مەن يزرايل مەملەكەتتەرى قاۋىپسىز جانە مويىندالعان شەكارالاردا قاتار ءومىر سۇرەتىن ەكى مەملەكەت قاعيداتىنا نەگىزدەلگەن ايماققا تەك ساياسي شەشىم عانا بەيبىتشىلىك اكەلەتىنىن جۇيەلى تۇردە اتاپ وتۋدە.

ەۋرووداق پەن پارسى شىعاناعىنداعى اراب مەملەكەتتەرى ىنتىماقتاستىعى كەڭەسىنىڭ قارىم-قاتىناستارى 1989 -جىلى قول قويىلعان ىنتىماقتاستىق كەلىسىمىنە نەگىزدەلگەن، ول ە و مەن پ ش ا م ى ك اراسىنداعى ەكونوميكالىق قارىم-قاتىناستار، كليماتتىڭ وزگەرۋى، ەنەرگەتيكا، قورشاعان ورتا جانە عىلىمي زەرتتەۋلەر سالالارىنداعى ىنتىماقتاستىق بويىنشا تۇراقتى ديالوگتى بەلگىلەيدى.

ىنتىماقتاستىق كەلىسىمى ارقىلى سونىمەن قاتار تۇراقتى تۇردە جينالاتىن سىرتقى ىستەر مينيسترلەرى دەڭگەيىندە ە و- پ ش ا م ى ك بىرلەسكەن كەڭەسى قۇرىلدى.

2022 -جىلدىڭ اقپانىندا بريۋسسەلدە وتكەن بىرلەسكەن كەڭەس بارىسىندا ە و جانە پارسى شىعاناعى ەلدەرىنىڭ سىرتقى ىستەر مينيسترلەرى 2022-2027 -جىلدارعا ارنالعان بىرلەسكەن ىنتىماقتاستىق باعدارلاماسىن ماقۇلدادى، بۇل باعدارلاما 2023 -جىلدىڭ قازانىندا جاڭارتىلدى.

2022 -جىلدىڭ ماۋسىمىندا لۋيدجي دي مايو ەۋروپالىق وداقتىڭ پارسى شىعاناعى ەلدەرىندەگى تۇڭعىش ارنايى وكىلى بولىپ تاعايىندالدى. ول ە و-نىڭ پارسى شىعاناعى ايماعىنداعى ەلدەرمەن نەعۇرلىم كۇشتى، جان-جاقتى جانە ستراتەگيالىق سەرىكتەستىگىن ودان ءارى دامىتۋعا جاۋاپتى.

اۆتور
زارينا تۋعانبايەۆا