ەۋرووداق ليۆاندا ب ۇ ۇ بىتىمگەرلەرىنە جاسالعان شابۋىلدى ايىپتادى

استانا. KAZINFORM - ەۋروپالىق وداق «كوك سىزىق» توڭىرەگىندەگى شيەلەنىسكە قاتتى الاڭداۋلى. ە و ب ۇ ۇ ميسسيالارىنا جاسالعان بارلىق شابۋىلدى ايىپتايتىنىن جەتكىزدى.

ەۋروپالىق وداقتىڭ حابارلاۋىنشا، بريۋسسەل يزرايل قارۋلى كۇشتەرىنىڭ (IDF) ليۆاندا ۋاقىتشا تۇراقتاعان بىتىمگەرلەرگە (UNIFIL) جاساعان شابۋىلىنا الاڭداۋشىلىعىن ءبىلدىرىپ وتىر. وقىس وقيعا سالدارىنان بىرنەشە بىتىمگەر جارالانىپ قالعان بولاتىن.

- ب ۇ ۇ بىتىمگەرلەرىنە جاسالعان شابۋىلدار حالىقارالىق قۇقىقتى ورەسكەل بۇزۋ بولىپ ەسەپتەلەدى، ءارى مۇلدەم قابىلدانبايدى. مۇنداي شابۋىلداردى تەز ارادا توقتاتۋ قاجەت… بارلىق سۋبەكتى ب ۇ ۇ قىزمەتكەرلەرى مەن مۇلكىنىڭ قاۋىپسىزدىگىن قامتاماسىز ەتۋ بويىنشا بارلىق شارانى قابىلداۋعا، سونداي-اق كەز كەلگەن ۋاقىتتا ب ۇ ۇ عيماراتتارىنىڭ قول سۇعىلماۋشىلىعىن ساقتاۋعا ءتيىس. ءبىز يزرايل ۇكىمەتىنەن وڭتۇستىك ليۆانداعى تۇراقتىلىقتى قامتاماسىز ەتىپ وتىرعان ب ۇ ۇ بىتىمگەرلەرىنە جاساعان شابۋىلىنا قاتىستى تۇسىنىكتەمە كۇتەمىز، ءارى بۇل وقيعاعا قاتىستى تولىققاندى تەرگەۋ جۇرگىزىلۋىن تالاپ ەتەمىز، - دەلىنگەن ەۋرووداق مالىمدەمەسىندە.

ەۋرووداق بارلىق تاراپتى كەز كەلگەن ۋاقىتتا بۇۇ بىتىمگەرلەرىنىڭ قاۋىپسىزدىگىن قامتاماسىز ەتۋ بويىنشا مىندەتتەمەلەرىن تولىق ورىنداۋعا شاقىردى. سونداي-اق قاۋىپسىزدىك كەڭەسىنىڭ 1701 رەزوليۋتسياسىن ىسكە اسىرۋ بويىنشا جۇمىستى جالعاستىرۋدى ۇسىندى.

بۇدان بولەك مالىمدەمەدە UNIFIL قارۋلى كۇشتەرى مەن باسقا دا قىزمەتكەرلەرى ە و- عا مۇشە 16 مەملەكەتكە وزىندىك ۇلەسىن قوسىپ كەلە جاتقانى ايتىلدى. ولار حالىقارالىق بەيبىتشىلىك پەن قاۋىپسىزدىكتى ساقتاۋ بارىسىندا قولايسىز جاعدايلاردا جۇمىس ىستەپ جاتقانى دا حابارلاندى. بۇل رەتتە ەو ولاردىڭ كاسىبيلىگىن مويىندايتىنىن، ءارى UNIFIL- گە ءوز تاراپىنان قولداۋ كورسەتەتىنىن اتاپ ءوتتى.

- ءبىز يزرايلدىڭ «حەزبوللا» تۇسىنان وق جاۋدىرعانىنا الاڭدايمىز. ونى توقتاتۋ كەرەك. سونداي-اق، يزرايل قارۋلى كۇشتەرىنىڭ ليۆاننىڭ حالىق تىعىز قونىستانعان اۋداندارىنا جاساعان سوققىسى سالدارىنان بەيبىت حالىق زارداپ شەگىپ، قونىس اۋدارۋعا ءماجبۇر. ءبىز بارلىق تاراپتى قانداي جاعداي بولماسىن حالىقارالىق گۋمانيتارلىق قۇقىقتى ساقتاۋعا شاقىرامىز، - دەلىنگەن مالىمدەمەدە.

ەسكە سالساق، 11-قازاندا تساحال ليۆاننىڭ وڭتۇستىگىندە ناكۋرداعى بازادا ورنالاسقان ب ۇ ۇ بىتىمگەرلەرىنىڭ پۋنكتىنە شابۋىل جاسادى.

ب ۇ ۇ دەرەكتەرىنە سايكەس، وقىس وقيعا سالدارىنان ەكى ادام جارالاندى. بىرەۋىنىڭ جاعدايى اۋىر دەپ باعالانۋدا.

بۇعان دەيىن يزرايل بىتىمگەرلەردەن اسكەري الاڭداردان كەتۋدى تالاپ ەتكەن بولاتىن. دەگەنمەن UNIFIL «كوك سىزىق» بويىندا مەكەندەگەن جەرىندە قالاتىن بولىپ شەشتى.