ەۋرووداق ءيزرايلدىڭ باتىس جاعالاۋداعى ارەكەتىن ايىپتادى
استانا. KAZINFORM - ەۋروپانىڭ سىرتقى ارەكەتتەر قىزمەتى يزرايل قارجى ءمينيسترى بەتسالەل ءسموتريچتىڭ پالەستينا اۋماعىنداعى باسىپ الىنعان جەرلەردىڭ 800 گەكتارىن «مەملەكەتتىڭ جەرى» دەپ مالىمدەۋىن ايىپتادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
بۇل - وسلو كەلىسىمىنەن كەيىنگى ەڭ ءىرى تاركىلەۋ، دەپ مالىمدەدى ەۋروپانىڭ سىرتقى ارەكەتتەر قىزمەتىنىڭ وكىلدەرى.
ەۋروپانىڭ سىرتقى ارەكەتتەر قىزمەتىنىڭ رەسمي وكىلى پەتەر ستانو باتىس جاعالاۋداعى يزرايلدىكتەر قونىستانعان جەرلەر حالىقارالىق گۋمانيتارلىق قۇقىقتى ورەسكەل بۇزۋ بولىپ تابىلاتىنىن ايتتى.
وسى اپتادا ەۋروپالىق كەڭەستىڭ ماجىلىسىندە ە و ليدەرلەرى يزرايل بيلىگىنىڭ باتىس جاعالاۋدا باسىپ الىنعان جەرلەردە زاڭسىز قونىستاردى ودان ءارى كەڭەيتۋ تۋرالى شەشىمىن ايىپتادى. ولار ءيزرايلدى بۇل شەشىمنەن باس تارتۋعا شاقىردى.
«ەۋرووداق ب ۇ ۇ قاۋىپسىزدىك كەڭەسىنىڭ جالپى كوزقاراسى جانە قارارلارىنا سايكەس، 1961 -جىلدان بەرگى شەكارانىڭ ەكىجاقتى كەلىسىمسىز وزگەرۋىن مويىندامايدى. بۇل ەۋرووداقتىڭ يزرايلدىڭ قاۋىپسىزدىگى جانە 7- قازان كۇنى يزرايل ازاماتتارىنا جاسالعان شابۋىل ەندى قايتىپ قايتالانباسا ەكەن، دەگەن كوزقاراسىمەن ۇشتاسىپ جاتىر. ەۋروداق مۇنداي تەرروريزممەن سوزبەن ەمەس ىسپەن كۇرەسۋگە بەل بايلاعان. سول ءۇشىن دە ۇيىم حاماس- تىڭ ارەكەتىن ايپتايدى جانە سانكتسيا سالۋ سياقتى وزگە دە شارالاردى سەنىمدى تۇردە جۇزەگە اسىرادى. ال باتىس جاعالاۋداعى قونىستاردى كەڭەيتۋ وسى ماقساتقا كەرەعار شەشىم بولىپ وتىر. سونداي- اق ول يزريال مەن پالەستينا تۇرعىندارىنىڭ ۇزاقمەرزىمدى قاۋىپسىزدىگىنىڭ كەپىلى بولىپ تابىلاتىن ەكى ەلدىڭ تاتۋ- ءتاتتى ءومىرىن رەتتەۋ پەرسپەكتيۆاسىنا كەرى ىقپال ەتىپ، ءوزارا شيەلەنىستى ۋشىقتىرا تۇسەدى»، - دەدى بريۋسسەلدە.